ఎరక్కపోయి ఇరుక్కున్నారు.. అదృష్టం బాగుండి తప్పించుకున్నారు

అమెరికా ఆరిజోనాలో ఓ కుటుంబం పెను ప్రమాదం నుంచి బయటపడ్డ దృశ్యం థ్రిల్లర్​ సినిమాను తలపించింది. ఆ కుటుంబ సభ్యులు, తమ పెంపుడు కుక్కతో కలిసి ఫీనిక్స్​ సమీపంలోని టోంటో అడవికి విహారయాత్రకు వెళ్లారు. తిరిగి వచ్చే సమయంలో సికమోర్​ వాగును ఎస్​యూవీ కారుతోనే దాటేందుకు ప్రయత్నించారు. అంతలోనే నీటి ప్రవాహం పెరిగింది. కారులోకి నీరు చేరింది. మరికొద్ది నిమిషాలు అలాగే ఉంటే కొట్టుకుపోయే ప్రమాదం నెలకొంది. సమయానికి సహాయక సిబ్బంది వారిని సురక్షితంగా ఒడ్డు చేర్చగా కథ సుఖాంతమైంది.