Sankranthiki Vasthunam OTT Release : 'సంక్రాంతికి వస్తున్నాం'తో థియేటర్లలో సందడి చేస్తున్నారు స్టార్ హీరో విక్టరీ వెంకటేశ్. పండుగ కానుకగా జనవరి 14న రిలీజైన ఈ సినిమా భారీ విజయం సాధించి బాక్సాఫీస్ వద్ద దూసుకెళ్తోంది. ముఖ్యంగా ఫ్యామిలీ ఆడియెన్స్ నుంచి ఈ సినిమాకు విశేష ఆదరణ లభిస్తోంది. దీంతో 13 రోజుల్లో ప్రపంచవ్యాప్తంగా రూ.276 కోట్లు కలెక్షన్లు సాధించింది. ఇక నార్త్‌ అమెరికాలో 2.7 మిలియన్ డాలర్లు సాధించినట్లు ట్రేడ్‌ వర్గాలు పేర్కొన్నాయి.
ఓటీటీ స్ట్రీమింగ్ అప్పుడే!
ఇదిలా ఉండగా, ఈ సినిమా ఓటీటీ స్ట్రీమింగ్పై ఓ ఆసక్తికర చర్చ జరుగుతోంది. 'సంక్రాంతికి వస్తున్నాం' ఓటీటీ హక్కులను జీ5 దక్కించుకుంది. తొలుత అనుకున్న ఒప్పందం ప్రకారం ఫిబ్రవరి 2వ వారంలో ఈ మూవీని స్ట్రీమింగ్ కు తీసుకురావాలట. అయితే, మూవీని థియేటర్లో చూసేందుకు ప్రేక్షకులు క్యూ కడుతుండటం వల్ల ఓటీటీ విడుదల మరింత ఆలస్యమయ్యే అవకాశం ఉందని తెలుస్తోంది. ఇదే విషయమై మేకర్స్ కూడా జీ5 టీమ్ను స్ట్రీమింగ్ కాస్త వాయిదా వేయమని విజ్ఞప్తి చేస్తున్నారని టాక్. ప్రస్తుతం ఇందుకు సంబంధించి చర్చలు నడుస్తున్నట్లు సమాచారం. కాగా, 'సంక్రాంతి వస్తున్నాం' డిజిటల్ హక్కులను జీ5 రూ.30 కోట్లను కొనుగోలు చేసినట్లు తెలుస్తోంది.
కెరీర్లో బిగ్గెస్ట్ హిట్
ఇక వెంకటేశ్ కెరీర్లో 'సంక్రాంతికి వస్తున్నాం' ఓ భారీ హిట్గా నిలిచిపోయిందని క్రిటిక్స్ అంటున్నారు. ఈ క్రమంలో ఆయన తాజాగా ఓ అరుదైన ఘనత అందుకున్నారు. రూ.100 కోట్ల షేర్ లిస్ట్లో చేరిపోయి టాలీవుడ్ సీనియర్ నటుల్లో ఈ ఫీట్ సాధించిన రెండో హీరోగా రికార్డుకెక్కారు. అయితే వెంకీ కంటే ముందు మెగాస్టార్ చిరంజీవి రూ.100 కోట్ల షేర్ అందుకున్నారు. తాజాగా 'సంక్రాంతికి వస్తున్నాం' భారీ స్థాయిలో వసూళ్లు సాధించడం వల్ల సీనియర్ హీరోల్లో రూ.250 కోట్ల మార్క్ దాటిన తొలి హీరోగానూ వెంకీ నిలిచారు.
సినిమా విషయానికొస్తే
అనిల్‌ రావిపూడి తెరకెక్కించిన ఈ సినిమాలో ఐశ్వర్య రాజేశ్‌, మీనాక్షి చౌదరి హీరోయిన్లుగా కనిపించారు. సీనియర్ నటుడు నరేశ్, వీటీ గణేశ్, సాయి కుమార్, మురళీ, పృథ్వీరాజ్ తదితరులు కీలక పాత్రలు పోషించారు. భీమ్స్ సిసిరొలియో సంగీతం అందించగా, శ్రీ వేంకటేశ్వర బ్యానర్పై దిల్ రాజు ఈ సినిమాను రూపొందించారు.
