Horoscope Today January 30th 2025 : 2025 జనవరి 30వ తేదీ (గురువారం) మీ రాశి ఫలం ఎలా ఉందంటే?
మేషం (Aries) :మేషరాశి వారికి ఈ రోజు సామాన్య ఫలితాలు ఉండవచ్చు. లక్ష్య సాధన కోసం పట్టుదలతో శ్రమిస్తే సత్ఫలితాలు ఉంటాయి. ముఖ్యమైన సమావేశాలలో దూకుడు తగ్గించుకుంటే మంచిది. స్నేహితులతో చేసే వ్యాపారపరమైన చర్చలు ఫలితాన్ని ఇస్తాయి. బంధు మిత్రులతో ఆనందంగా గడుపుతారు. శత్రుభయం పొంచి ఉంది కాబట్టి జాగ్రత్తగా ఉండండి. ఆరోగ్యం పట్ల శ్రద్ధ వహించాలి. నవగ్రహ శ్లోకాలు పఠిస్తే మేలు జరుగుతుంది.
వృషభం (Taurus) : వృషభరాశి వారికి ఈ రోజు మిశ్రమ ఫలితాలు ఉంటాయి. ప్రారంభించబోయే పనుల్లో సమస్యలు పరిష్కరించడం కఠినంగా ఉంటుంది. నిరాశ చెందకండి. సహనంతో ఉంటే అనుకూల ఫలితాలు ఉంటాయి. నూతన వస్తు వాహనాలు కొనుగోలు చేస్తారు. కుటుంబ కలహాల పట్ల తొందరపాటు నిర్ణయాలు నష్టం కలిగిస్తాయి. ఆర్థిక ఇబ్బందులు ఆందోళన కలిగిస్తాయి. కార్యసిద్ధి హనుమ ఆరాధన మేలు చేస్తుంది.
మిథునం (Gemini) : మిథునరాశి వారికి ఈ రోజు అనుకూలంగా ఉంటుంది. సౌభాగ్యసిద్ధి ఉంది. కొన్ని రోజులుగా ఇబ్బంది పెడుతున్న సమస్యలు పరిష్కారం అవుతాయి. అవసరానికి డబ్బు చేతికి అందుతుంది. వ్యాపార భాగస్వాములతో చర్చలు సత్ఫలితాన్ని ఇస్తాయి. వ్యాపార పరంగా కొన్ని కీలక ఒప్పందాలు చేసుకుంటారు. ఆదాయం సంతృప్తికరంగా ఉంటుంది. ఆరోగ్యం సహకరిస్తుంది. గణపతి ప్రార్ధన ఉత్తమం.
కర్కాటకం (Cancer) : కర్కాటకరాశి వారికి ఈ రోజు ఫలవంతంగా ఉంటుంది. అనుకున్న పనులు అనుకున్నట్లుగా పూర్తికావడం వల్ల సంతోషంగా ఉంటారు.కుటుంబ వాతావరణం శాంతియుతంగా ఉంటుంది. ముక్కుసూటిగా పోయే మీ తత్వం మీకు మంచి పేరు తీసుకువస్తుంది. ఆధ్యాత్మిక ధార్మిక కార్యక్రమాలలో పాల్గొంటారు. ఇష్ట దేవతారాధన మేలు చేస్తుంది.
సింహం (Leo) :సింహరాశి వారికి ఈ రోజు సామాన్యంగా ఉంటుంది. కుటుంబంలో చిన్నపాటి అభిప్రాయభేదాలు చికాకు కలిగిస్తాయి. ఒక ముఖ్యమైన వ్యవహారంలో సన్నిహితుల సహకారం ఉంటుంది. ఖర్చులు తగ్గించుకుంటే మంచిది. ఆరోగ్యంపై శ్రద్ధ పెట్టాలి. సూర్య ఆరాధన శ్రేయస్కరం.
కన్య (Virgo) : కన్యారాశి వారికి ఈ రోజు మిశ్రమ ఫలితాలు ఉంటాయి. చిన్ననాటి మధురమైన జ్ఞాపకాలు నెమరు వేసుకుంటారు. వృత్తి ఉద్యోగాలలో పని ఒత్తిడి పెరగవచ్చు. ఉన్నతాధికారులతో జాగ్రత్తగా వ్యవహరించాలి. కోపావేశాలు అదుపులో ఉంచుకుంటే మంచిది. వేదాంత చర్చలలో పాల్గొంటారు. ఒక వ్యవహారంలో ధననష్టం సంభవించవచ్చు. శివారాధన శ్రేయస్కరం.
తుల (Libra) : తులారాశి వారికి ఈ రోజు అనుకూలంగా ఉంటుంది. వృత్తి వ్యాపారాలలో శుభ ఫలితాలున్నాయి. స్పష్టమైన ఆలోచనా విధానంతో ముందుకు సాగి విజయాలు సాధిస్తారు. ఓ శుభవార్త మీ ఆత్మవిశ్వాసాన్ని పెంచుతుంది. స్నేహితులతో సరదాగా గడుపుతారు. ఆర్థిక పరిస్థితి మెరుగ్గా ఉంటుంది. శ్రీలక్ష్మి ధ్యానం శుభప్రదం.
వృశ్చికం (Scorpio) : వృశ్చికరాశి వారికి ఈ రోజు సామాన్యంగా ఉంటుంది. అన్ని రంగాల వారు వృత్తి వ్యాపారాలలో ఆచి తూచి అడుగేయాలి. కొత్త పనులు వాయిదా వేస్తే మంచిది. ఉద్యోగుస్థులు పై అధికారుల పట్ల విధేయతతో ఉండడం అవసరం. చేయని తప్పుకు నిందలు పడాల్సి వస్తుంది. అనారోగ్య సమస్యలు నిర్లక్ష్యం చేయవద్దు. శని శ్లోకాలు పఠించడం శ్రేయస్కరం.
ధనుస్సు (Sagittarius) : ధనుస్సురాశి వారికి ఈ రోజు మిశ్రమ ఫలితాలు ఉంటాయి . గతంలో చేసిన పొరపాట్ల సరిదిద్దుకునే ప్రయత్నం చేస్తారు. ఉగ్యోగులకు అనుకూల సమయం. టీమ్ లీడర్గా టీమ్ విజయం శ్రమిస్తారు. మీ శ్రమకు గుర్తింపు లేకపోవడం విచారం కలిగిస్తుంది. మనోబలం తగ్గకుండా చూసుకోండి. స్థానచలన సూచనలున్నాయి. శ్రీ సుబ్రహ్మణ్య స్వామి ఆలయ సందర్శన శుభప్రదం.
మకరం (Capricorn) : మకరరాశి వారికి ఈ రోజు ప్రతికూల ఫలితాలు గోచరిస్తున్నాయి. ముఖ్యమైన పనుల్లో తీవ్రమైన జాప్యం జరిగే అవకాశం. వ్యాపారంలో పోటీ పెరుగుతుంది. శ్రమకు తగిన గుర్తింపు లభించకపోవచ్చు. గిట్టని వారు చేసే విమర్శలు పట్టించుకోవద్దు. ఆరోగ్యంపై శ్రద్ధ పెట్టాలి. ఆర్థిక వ్యవహారాల్లో అప్రమత్తంగా ఉండాలి. శ్రీ వేంకటేశ్వరస్వామి ఆలయ సందర్శన మేలు చేస్తుంది.
కుంభం (Aquarius) : కుంభరాశి వారికి ఈ రోజు శుభప్రదంగా ఉంటుంది. అన్ని రంగాల వారు వృత్తి పరమైన శుభవార్తలు వింటారు. మీ కీర్తి ప్రతిష్ఠలు పెరుగుత్తాయి. అధికార పరిధి విస్తరిస్తుంది. ఉత్సాహపరిచే సంఘటనలు జరుగుతాయి. ఆధ్యాత్మిక కార్యక్రమాల కోసం డబ్బు ఖర్చు చేస్తారు. తీర్థయాత్రలకు వెళ్తారు. పెండింగ్లో ఉన్న లీగల్ వ్యవహారాలు సెటిల్ చేసుకుంటారు. ఆరోగ్యం బాగుంటుంది. కనకధారా స్తోత్రం పఠిస్తే మెరుగైన ఫలితాలు ఉంటాయి.
మీనం (Pisces) : మీనరాశి వారికి ఈ రోజు అనుకూలంగా ఉంటుంది. అన్ని రంగాల వారికి చేపట్టిన పనుల్లో అనుకూలత ఉంటుంది. దృఢమైన మనసుతో తీసుకునే నిర్ణయాలు సత్ఫలితాన్నిస్తాయి. బుద్ధిబలంతో ముందుకు సాగితే విజయం సిద్ధిస్తుంది. కుటుంబ సౌఖ్యం ఉంటుంది. ఆదాయం వృద్ధి చెందుతుంది. ఆరోగ్యం సహకరిస్తుంది. ఇష్ట దేవతారాధన శుభప్రదం.
