సూపర్ అప్​గ్రేడ్స్​తో నథింగ్ ఫ్లాగ్​షిప్ స్మార్ట్​ఫోన్!- ఫ్లిప్​కార్ట్​లో టీజర్ రిలీజ్

త్వరలో మార్కెట్​లోకి 'నథింగ్ ఫోన్ 3a' సిరీస్- లాంఛ్​కు ముందే ధర, ఫీచర్ల వివరాలు లీక్!

Nothing Phone 3a Series Teaser: లండన్‌కు చెందిన స్మార్ట్‌ఫోన్ తయారీ సంస్థ నథింగ్ ప్రస్తుతం దాని తదుపరి ఫ్లాగ్​షిప్ స్మార్ట్​ఫోన్ 'నథింగ్ ఫోన్ 3a'పై పనిచేస్తోంది. ఈ నేపథ్యంలో దీని ప్రారంభానికి ముందుగా కంపెనీ ఈ ఫోన్ టీజర్​ను ఫ్లిప్​కార్ట్​లో రిలీజ్ చేసింది. అందులో ఉన్న సమాచారం ప్రకారం నథింగ్ ఈ ఫోన్​ను మార్చి 4న లాంఛ్ చేయనున్నట్లు తెలుస్తోంది.

ఇక నథింగ్ కంపెనీ విడుదల చేసిన ఈ టీజర్‌లో 'Phone (3a) Series' అని రాసుకొచ్చింది. అంటే దీన్ని బట్టి కంపెనీ మార్చి 4న కేవలం ఒక స్మార్ట్‌ఫోన్‌ను మాత్రమే లాంఛ్ చేయదని స్పష్టమవుతోంది. ఈ నేపథ్యంలో ఈ సిరీస్​లో 'నథింగ్ ఫోన్ 3a', 'ఫోన్ 3a ప్లస్‌' అనే రెండు మోడల్స్​ రానున్నట్లు ఊహాగానాలు వ్యక్తమవుతున్నాయి.

Nothing Phone 3a Series Teaser (Photo Credit- Flipkart)

అయితే ప్రస్తుతం దీనిపై పెద్దగా సమాచారం రివీల్ కాలేదు. కానీ దీనిపై వచ్చిన లీక్స్​ ప్రకారం ఈ ఫోన్ దాని ప్రీవియస్ వెర్షన్​ కంటే కొన్ని సిగ్నిఫికెంట్ అప్​గ్రేడ్స్​తో వస్తుందని తెలుస్తోంది. ఈ క్రమంలో లీక్స్​ ఆధారంగా దీనిపై ఇప్పటి వరకు ఉన్న సమాచారం మీకోసం.

ఈసారి 'నథింగ్ ఫోన్ 3a' బిగ్ డిస్​ప్లే కనిపిస్తుందని భావిస్తున్నారు. అదే సమయంలో మెరుగైన పెర్ఫార్మెన్స్​ కోసం ఈ ఫోన్​లో కొత్త క్వాల్​కామ్ ప్రాసెసర్‌ను ఉపయోగించొచ్చు. ఇది 'నథింగ్ ఫోన్ 2a'లో ఉన్న మీడియాటెక్ డైమెన్సిటీ ప్రాసెసర్‌కి భిన్నంగా ఉంటుంది. ఇది మాత్రమే కాక ఈ ఫోన్​ కెమెరాను కూడా అప్​గ్రేడ్ చేసి తీసుకుని రావచ్చు.

నథింగ్ ఫోన్ 3a అంచనా స్పెసిఫికేషన్లు: ఈ ఫోన్ 120Hz రిఫ్రెష్ రేట్‌తో 6.8-అంగుళాల OLED డిస్‌ప్లేను కలిగి ఉండొచ్చు. దీనిలో ప్రత్యేకత ఏంటంటే ఇప్పటివరకు ఏ నథింగ్ ఫోన్‌లోనూ కంపెనీ ఇంత పెద్ద డిస్‌ప్లేను అందించలేదు. వీటితోపాటు ఈ స్మార్ట్‌ఫోన్‌లో స్నాప్‌డ్రాగన్ 7s Gen 3 చిప్‌సెట్‌ను అందించొచ్చు. ఇక ఇది ఆండ్రాయిడ్ 15 ఆధారంగా నథింగ్ OS 3.1తో వస్తుందని టెక్ నిపుణుల అంచనా.

కెమెరా సెటప్: 'నథింగ్ ఫోన్ 3a' 50-మెగాపిక్సెల్ ప్రైమరీ రియర్ కెమెరాను కలిగి ఉంటుంది. దీన్ని 50-మెగాపిక్సెల్ టెలిఫోటో లెన్స్‌తో జత చేయొచ్చు. ఇది 2x ఆప్టికల్ జూమ్‌ను అందిస్తుంది. ఇది గానీ జరిగితే నథింగ్ ఈ లైనప్‌కి టెలిఫోటో లెన్స్‌ను జోడించడం ఇదే మొదటిసారి అవుతుంది. అయితే ఇది అల్ట్రా-వైడ్ కెమెరా ధరతో వస్తుంది. దీంతో దీన్ని 8-మెగాపిక్సెల్‌లకు తగ్గిస్తే బాగుండని అంతా భావిస్తున్నారు.

వీటితో పాటు ఈ ఫోన్​లో సెల్ఫీల కోసం 32 మెగాపిక్సెల్ ఫ్రంట్ కెమెరాను అందిచొచ్చు. కంపెనీ ఈ ఫోన్​కు మరింత పవర్ అందించేందుకు దీనిలో 5,000mAh బ్యాటరీని అమర్చవచ్చు. ఇది 'నథింగ్ ఫోన్ 2a' మాదిరిగానే 45W వైర్డ్ ఛార్జింగ్‌ సపోర్ట్​తో రావచ్చు. ఇక ప్రస్తుతం ఈ ఫోన్ ధర గురించి ఎలాంటి సమాచారం రివీల్ కాలేదు. కానీ ఇది 'నథింగ్ ఫోన్ 2a' మాదిరిగా రూ. 25,000 వరకు ధరతో లాంఛ్ చేయనున్నట్లు టెక్ నిపుణుల అంచనా.