Pushpa 2 OTT : సినీ ప్రియులంతా ఎప్పుడెప్పుడా అని ఎదురుచూస్తున్న 'పుష్ప2: ది రూల్‌' ఓటీటీ విడుదలకు సిద్ధమైంది. అభిమానులను సర్‌ప్రైజ్‌ చేస్తూ రీలోడెడ్‌ వెర్షన్‌తో డిజిటల్‌ ప్రేక్షకులను అలరించేందుకు వచ్చేస్తుంది. గురువారం అర్ధరాత్రి (జనవరి 30) నుంచి నెట్‌ఫ్లిక్స్‌లో స్ట్రీమింగ్ కానుంది. తెలుగుతో పాటు, తమిళ, కన్నడ, మలయాళ, హిందీ భాషల్లో అందుబాటులోకి రానుంది.
అయితే సంక్రాంతి తర్వాత థియేటర్‌లో విడుదల చేసిన రీలోడెడ్‌ వెర్షన్‌ కన్నా అదనంగా సన్నివేశాలతో ఓటీటీ వెర్షన్‌ రాబోతోంది. ఈ విషయాన్ని కూడా టీమ్‌ స్పష్టం చేసింది. డిసెంబరు 5న 3.20 గంటల నిడివితో విడుదలైన 'పుష్ప2' చిత్రానికి అదనంగా మరో 20 నిమిషాల సన్నివేశాలను జత చేశారు. దీంతో సినిమా నిడివి దాదాపు 3.40 గంటలు అయ్యింది. ఇక ఓటీటీ వెర్షన్‌కు మరో మూడు నిమిషాలు యాడ్‌ చేసి, మొత్తం 3.43 గంటల నిడివితో అలరించేందుకు రెడీ అయ్యింది. థియేటర్లలో రికార్డులు బద్దలుకొట్టిన 'పుష్ప రాజ్' ఓటీటీలోనూ 'రప్పా రప్పా' లాడిస్తాడంచడం ఖాయమని ఫ్యాన్స్ అంటున్నారు.
Pushpa Bhau ne sun li aapki baat, ab Pushpa ka rule, Hindi mein bhi 🔥
— Pushpa (@PushpaMovie) January 29, 2025
Watch #Pushpa2 - Reloaded Version with 23 minutes of extra footage on Netflix, on 30 January in Hindi, Telugu, Tamil, Malayalam & Kannada!#Pushpa2OnNetflix #WildFirePushpa
Icon Star @alluarjun… pic.twitter.com/hkQghCewWF
కాగా, డిసెంబర్ 5న గ్రాండ్గా రిలీజైన ఈ సినిమా వరల్డ్వైడ్గా రూ.1896 కోట్లు వసూల్ చేసి ఇండస్ట్రీ హిట్గా నిలిచింది. సుకుమార్ తెరకెక్కించిన ఈ సినిమా బాక్సాఫీస్ వద్ద రికార్డులు సృష్టించింది. అల్లు అర్జున్కు జంటగా రష్మిక మంధన్నా హీరోయిన్గా నటించింది. మలయాళం నటుడు ఫహాద్ ఫాజిల్, సునీల్, అనసూయ, జగపతిబాబు, రావు రమేశ్ తదితరులు ఆయా పాత్రల్లో నటించారు. రాక్స్టార్ దేవీశ్రీ ప్రసాద్ సంగీతం అందించగా, మైత్రి మూవీ మేకర్స్ బ్యానర్పై నవీన్, రవి శంకర్ సంయుక్తంగా నిర్మించారు.
