మా మొర ఆలకించండి... జెట్​ను కాపాడండి

ఆర్థిక సంక్షోభంతో తాత్కాలికంగా మూత పడిన జెట్ ఎయిర్​వేస్​ను పునరుద్ధరించాలని సంస్థ ఉదోగులు ఆందోళనకు దిగారు. ముంబయిలోని ఛత్రపతి శివాజీ విమానాశ్రయం వద్ద ధర్నా చేపట్టారు. భారత్​కు గర్వకారణమైన జెట్​ ఎయిర్​వేస్​ను కాపాడాలి అనే నినాదాలతో ప్లకార్డులు ప్రదర్శించారు. ఈ నిరసన కార్యక్రమంలో జెట్​ ఉద్యోగులు పెద్ద సంఖ్యలో పాల్గొన్నారు. రుణ భారం పెరిగిపోయిన కారణంగా జెట్ యాజమాన్య బాధ్యతలు చేపట్టిన ఎస్​బీఐ నేతృత్వంలోని రుణదాతల కన్సార్షియం... సంస్థను గట్టెక్కించలేకపోయింది. ఈ నేపథ్యంలో ఏప్రిల్​ 17 అర్ధ రాత్రి నుంచి సేవలు తాత్కాలికంగా నిలిపివేస్తున్నట్లు ప్రకటించింది జెట్​. జెట్ ఉద్యోగుల్లో కొంత మందిని స్పైస్​జెట్​ సహా ఇతర విమాన సంస్థలు చేర్చుకోవడం గమనార్హం.