Vivo Upcoming Mobiles 2025: ప్రముఖ స్మార్ట్ఫోన్ తయారీ సంస్థ వివో భారతదేశంలో కొన్ని కొత్త స్మార్ట్ఫోన్లను విడుదల చేసేందుకు సన్నాహాలు చేస్తోంది. ఇటీవల వచ్చిన నివేదిక ప్రకారం ఫిబ్రవరిలో కంపెనీ వివో V50 మొబైల్ను భారత్లో లాంఛ్ చేయనున్నట్లు తెలుస్తోంది. ఈ క్రమంలో తాజాగా మరో కొత్త నివేదిక వివో అప్కమింగ్ స్మార్ట్ఫోన్లపై సమాచారం అందించింది. దీని ప్రకారం కంపెనీ త్వరలో మన దేశీయ మార్కెట్లో వివో T4x 5G, వివో Y59 5G మోడల్స్ను కూడా ప్రారంభించనుంది. ఈ రెండు ఫోన్లు బ్యూరో ఆఫ్ ఇండియన్ స్టాండర్డ్స్ (BIS) డేటాబేస్‌లో గుర్తించారు.
వివో నుంచి మరో రెండు కొత్త ఫోన్లు: మై స్మార్ట్ ప్రైస్ నివేదిక ప్రకారం BIS సర్టిఫికేషన్ వెబ్‌సైట్‌లో V2437, V2443 మోడల్ నంబర్‌లతో రెండు కొత్త ఫోన్లు కనిపించాయి. ఈ నంబర్లు వరుసగా వివో T4x 5G, వివో Y59 5G స్మార్ట్ఫోన్లవే అని టెక్ నిపుణులు భావిస్తున్నారు. ఈ రెండు ఫోన్‌లను త్వరలోనే భారత మార్కెట్లోకి ఎంట్రీ ఇవ్వనున్నట్లు BIS లిస్టింగ్ సూచిస్తుంది. అయితే ఈ లిస్టింగ్లో ఫోన్ వివరాల గురించి మాత్రం ఎటువంటి సమాచారం లేదు.
వీటిలో వివో T4x 5G స్మార్ట్ఫోన్ను గతేడాది ఏప్రిల్లో లాంఛ్ అయిన వివో T3x 5G ఫోన్కు సక్సెసర్గా ప్రారంభించొచ్చు. ఈ వివో T3x 5G ఫోన్లో ప్రాసెసర్ కోసం స్నాప్‌డ్రాగన్ 6 Gen 1 SoC చిప్సెట్ను అందించారు. ఈ ఫోన్ 6.72-అంగుళాల 120Hz HD LCD స్క్రీన్, 6000mAh బ్యాటరీ, 44W ఫాస్ట్ ఛార్జింగ్, 50MP+2MP వెనుక కెమెరా సెటప్, 8MP ఫ్రంట్ కెమెరాతో అందుబాటులో ఉంది. ఇక ఇది ఆండ్రాయిడ్ 14 ఆధారంగా Funtouch OS 14 సపోర్ట్తో వచ్చింది. ఈ నేపథ్యంలో ఈ ఫోన్ సక్సెర్గా రాబోతున్న వివో T4x 5Gలో ఎలాంటి స్పెసిఫికేషన్లు ఉంటాయో ఊహించొచ్చు.
ఇక వివో Y59 5G మొబైల్ను కూడా గతేడాది జూన్ 2024లో ప్రారంభించిన వివో Y58 5Gకి సక్సెసర్గా తీసుకురావచ్చు. వివో Y58 5Gని కంపెనీ 6.72-అంగుళాల ఫుల్ HD ప్లస్ LCD స్క్రీన్‌తో పాటు వివో T3x 5Gలో ఇచ్చిన అదే స్పెసిఫికేషన్‌లతో ప్రారంభించింది. అయితే ఈ Y58 5G ఫోన్లో ప్రాసెసర్ కోసం స్నాప్‌డ్రాగన్ 4 జెన్ 2 చిప్సెట్ను ఉపయోగించారు. అటువంటి పరిస్థితిలో ఈ ఫోన్కు సక్సెసర్గా వస్తున్న వివో Y59 5Gలో కూడా ఏ స్పెసిఫికేషన్లు ఉండనున్నాయో ఒక అంచనాకి రావచ్చు.
ధరలు ఎంత ఉండొచ్చంటే?: 4GB RAM అండ్ 128GB స్టోరేజ్ కలిగిన ప్రీవియస్ మోడల్ వివో T3x 5G వేరియంట్ ధర రూ.13,499 కాగా, దీని 6GB RAM అండ్ 128GB స్టోరేజ్ ధర రూ.14,999, ఇక దీని 8GB RAM వేరియంట్ ధర రూ.16,499.
అదే సమయంలో కంపెనీ వివో Y58 5G మోడల్ను 8GB + 128GB అనే ఒకే ఒక వేరియంట్‌లో విడుదల చేసింది. దీని ధర రూ.19,499. అయితే ఆ తర్వాత కంపెనీ ఈ ఫోన్ ధరను రూ.1000 తగ్గించి రూ.18,499తో విక్రయిస్తోంది. అటువంటి పరిస్థితిలో ఈ రెండు వివో ఫోన్‌ల సక్సెసర్గా వస్తున్న మోడల్స్ ధర కూడా రూ. 20,000 కంటే తక్కువగానే ఉండొచ్చని చెప్పొచ్చు.
యూత్కి పిచ్చి పిచ్చిగా నచ్చే KTM నుంచి రెండు కొత్త బైక్స్- వీటి స్పెషాలిటీ ఏంటంటే?
చాట్జీపీటీ, డీప్సీక్కు పోటీగా ఇండియన్ ఏఐ మోడల్!- అందుబాటులోకి ఎప్పుడంటే?
ఓలా జెన్-3 ఎలక్ట్రిక్ స్కూటర్లు వచ్చేశాయోచ్- తక్కువ ధరలోనే 320 కి.మీ రేంజ్!
