వింత ఆచారం.. ఆవులతో తొక్కించుకున్న యువకులు

సంప్రదాయం పేరుతో దేశంలోని వివిధ ప్రాంతాల్లో వింత ఆచారాలు ఇప్పటికీ ఉన్నాయి. సంప్రదాయాల్లో భాగంగా చేసే పనులతో ప్రాణాలకు ముప్పు ఉందని తెలిసినా.. వాటిని ఆచరిస్తున్నారు. ఇలాంటి ఘటనే మధ్యప్రదేశ్​లోని ఉజ్జయినిలో వెలుగు చూసింది. దీపావళి రోజున కొందరు యువకులు ప్రాణాలను కూడా లెక్కచేయకుండా.. కిందపడుకుని గ్రామంలోని ఆవుల మందతో తొక్కించుకున్నారు. కోరికలు నిరవేరుతాయనే ఆశతో ఈ సాహసానికి ఒడిగట్టారు. ఇది ఇక్కడ తరతరాలుగా వస్తున్న సంప్రదాయమని స్థానికులు చెబుతున్నారు. ఆవులతో తొక్కించుకోవడం వల్ల ఇన్నేళ్లలో తమకు ఎలాంటి ప్రమాదాలు జరగలేదని అంటున్నారు.