Viral Video: చెలరేగిన దొంగలు.. తుపాకులతో బెదిరించి దుకాణం లూటీ

దిల్లీలో ముగ్గురు దుండగులు రెచ్చిపోయారు. ఓ హార్డ్​వేర్ షాపులోకి తుపాకులతో చొరబడి లూటీ చేశారు. కస్టమర్లను కూడా బెదిరించారు. యజమాని తలకు గన్​ ఎక్కుపెట్టి అందినకాడికి దోచుకుపోయారు. ఖేరా ఖుర్ద్ ప్రాంతంలో శనివారం రాత్రి 8 గంటల సమయంలో ఈ ఘటన జరిగింది. ఈ చోరీకి సంబంధించిన దృశ్యాలు సీసీటీవీలో రికార్డయ్యాయి. దుండగుల్లో ఒకరు ఒక బుల్లెట్ పేల్చారని పోలీసులు తెలిపారు. హెల్మెట్​, ముసుగు ధరించి ఉన్న వీరిని గుర్తించేందుకు పాత నేరస్థుల రికార్డులు తిరగేస్తున్నట్లు తెలిపారు.