Viral video: లక్కీ మ్యాన్.. 15 సెకన్లలో రెండుసార్లు చావుకు దగ్గరగా...

ద్విచక్రవాహనంపై వేగంగా దూసుకొచ్చి త్రుటిలో ప్రాణాపయం నుంచి తప్పించుకున్నాడు ఓ వ్యక్తి. యూటర్న్​ తీసుకుంటున్న బస్సును ఢీకొట్టబోయి కాస్తలో తప్పించుకున్నాడు. ఒళ్లు గగుర్పొడిచే ఈ సంఘటన కర్ణాటక, దక్షిణ కన్నడ జిల్లాలోని ఎలియరుపాడవు ప్రాంతంలో జరిగింది. స్కూటీపై వేగంగా దూసుకొస్తున్న క్రమంలో మూలమలుపు వద్ద ఓ బస్సు యూటర్న్​ తీసుకుంది. దానిని తప్పించుకునే క్రమంలో నియంత్రణ కోల్పోయి.. బైక్​ను రోడ్డు కిందకు దించి, పక్కనే ఉన్న దుకాణం, చెట్ల మధ్యలోంచి దూసుకెళ్లాడు. అతని వద్ద హెల్మెట్ ఉన్నా..​ తలకి పెట్టుకోకుండా బైక్​ నడపటం గమనార్హం. ఇదంతా కేవలం 15 సెకన్లలోనే జరిగిపోయింది. హెల్మెట్​ కింద పడిపోయినా ఆగకుండా వెళ్లిపోయాడు. స్థానిక సీసీటీవీ కెమెరాలో నమోదైన ఈ దృశ్యాలు వైరల్​గా మారాయి.