బ్రహ్మోస్‌ సూపర్‌ సోనిక్‌ క్రూయిజ్‌ క్షిపణి ప్రయోగం విజయవంతం

Brahmos missile: బ్రహ్మోస్‌ సూపర్‌ సోనిక్‌ క్రూయిజ్‌ క్షిపణిని విజయవంతంగా పరీక్షించినట్లు రక్షణ శాఖ ప్రకటించింది. భారత రక్షణ పరిశోధనాభివృద్ధి సంస్థ- డీఆర్​డీఓ అభివృద్ధి చేసిన ఈ అత్యాధునిక క్షిపణిని ఒడిశాలోని బాలాసోర్‌లో పరీక్షించినట్లు పేర్కొంది. ఐటీఆర్​ లాంచ్‌ ప్యాడ్‌-3 నుంచి ఉదయం 10 గంటల 45 నిమిషాలకు క్షిపణిని ప్రయోగించినట్లు వివరించింది. నిర్దేశిత లక్ష్యాన్ని అత్యంత కచ్చితత్వంతో క్షిపణి ఛేదించినట్లు సైనిక వర్గాలు తెలిపాయి. ప్రయోగానికి సంబంధించిన పూర్తి వివరాలను విశ్లేషిస్తున్నట్లు పేర్కొన్నాయి.