ట్యాంకర్​ నుంచి డీజిల్​ లీక్​- ఎగబడిన జనం!

గుజరాత్​ నుంచి ఛత్తీస్​గఢ్​వైపుగా వెళ్తున్న ఓ డీజిల్​ ట్యాంకర్​ మధ్యప్రదేశ్​లోని బైతుల్​-ఇందోర్​​ రహదారిపై ప్రమాదానికి గురైంది. అందులోని ఇంధనం లీక్​ అవడం మొదలైంది. ఇది తెలుసుకున్న స్థానికులు పెద్ద ఎత్తున ఆ ప్రాంతానికి చేరుకున్నారు. ట్యాంకు నుంచి వస్తున్న డీజిల్​ను పట్టుకునేందుకు ప్లాస్టిక్​ డబ్బాలు, క్యాన్లు వెంట తెచ్చుకున్నారు. ప్రమాదమని తెలిసినా.. లెక్కచేయకుండా డీజిల్​ కోసం ఎగబడ్డారు. సమాచారం తెలుసుకున్న పోలీసులు ఘటనాస్థలానికి చేరుకుని పరిస్థితిని అదుపులోకి తెచ్చారు.