ఇనుప తీగలతో గూడు కట్టుకున్న కాకులు.. మీరు ఎప్పుడైనా చూశారా?

కర్ణాటకలోని సుళ్య జిల్లాలోని రెండు కాకులు.. ఇనుప తీగలతో గూడు కట్టుకున్నాయి. చొక్కాడిలో భగవాన్​ శ్రీ సత్యసాయి విద్యా కేంద్రం ఆవరణలో ఉన్న ఓ చెట్టుపై ఈ అరుదైన గూడు కనిపించింది. అయితే ఈ విషయాన్ని ఆ విద్యాకేంద్రం ప్రొఫెసర్​ శంకర్ నెల్యాడి తన ఫేస్​బుక్​లో ఖాతాలో వీడియో షేర్​ చేసి వివరించారు. తాము చెట్టు కొమ్మని తొలగించే సమయంలో ఈ ఇనుప తీగలతో గూడు కనిపించిందని చెప్పారు. ఆ గూడు సుమారు రెండు కేజీలు బరువు ఉన్నట్లు పేర్కొన్నారు. అది చూసిన వెంటనే విద్యార్థులు, ప్రొఫెసర్లు ఆశ్చర్యానికి లోనయినట్లు తెలిపారు. అయితే ప్రస్తుతం ఆ గూడును తమ యూనివర్సిటీ సైన్స్​ ల్యాబ్​లో భద్రపరిచామన్నారు.