Pawan Kalyan Silver Picture జనసేనుడికి అభిమానుల అరుదైన జన్మదిన కానుక.. వెండి నగలతో పవన్ భారీ చిత్రం

Pawan Kalyan Silver Picture: జనసేన అధినేత పవన్ కల్యాణ్ జన్మదినాన్ని( సెప్టెంబరు 2) పురస్కరించుకొని 470కేజీల వెండితో ఆయన చిత్ర రూపం తీర్చిదిద్దారు. జనసేన నెల్లూరు నగర అధ్యక్షుడు దుగ్గిశెట్టి సుజయ్ బాబు ఆధ్వర్యంలో తమిళనాడులోని సేలంలో ఈ కళాకృతిని రూపొందించారు. నలుగురు కళాకారులు తమ నైపుణ్యంతో 18 గంటల పాటు శ్రమించి.. వెండి  పట్టీలు, కడియాలతో దీన్ని తయారు చేశారు. వినూత్న రీతిలో పవన్​కు జన్మదిన కానుకను అందించి సుజయ్ బాబు.. పవన్​పై ఆయనకున్న అభిమానాన్ని చాటుకున్నారు. ఇందుకు సంబంధించిన మేకింగ్ వీడియోను హైదరాబాద్‌లోని ఆయన నివాసంలో గురువారం జనసేన రాజకీయ వ్యవహారాల కమిటీ ఛైర్మన్ నాదెండ్ల మనోహర్ విడుదల చేశారు. ఈ కార్యక్రమంలో పార్టీ నెల్లూరు జిల్లా అధ్యక్షుడు మనుక్రాంత్ రెడ్డి, కొట్టే వెంకటేశ్వర్లు, సుందర రామిరెడ్డి తదితరులు పాల్గొన్నారు. ప్రస్తుతం ఈ వీడియో సోషల్ మీడియాలో వైరల్​గా మారింది. ఈ వీడియోను వీక్షించిన నెటిజన్లు.. నీ క్రేజ్​ను మేచ్ చేయటం అంత ఈజీకాదు పవనన్నా అంటూ కామెంట్స్ చేస్తున్నారు.