ఫోన్​ దొంగలించి.. యజమానిని ఈడ్చుకెళ్లి..

ఓ కార్మికుడి చరవాణిని కొట్టేయడమే కాకుండా, అతడిని బైకుపై చాలా దూరం దారుణంగా ఈడ్చుకెళ్లారు దుండగులు. ఈ ఘటన కేరళలోని కోజికోడ్​లో జరిగింది. బిహార్​కు చెందిన అలీ అక్బర్​ నుంచి కాల్​ మాట్లాడే నెపంతో దొంగలు ఫోన్​ తీసుకున్నారు. అనంతరం.. బైకు వేగం పెంచి పారిపోబోయారు. అయితే బైకును కార్మికుడు అలాగే పట్టుకొని ఉండటం వల్ల అతడిని రోడ్డుపై ఈడ్చుకుంటూ తీసుకెళ్లారు. ఈ క్రమంలో అలీతో పాటు బైకుపై వెనకాల కూర్చున్న దొంగ కూడా కిందపడిపోయాడు. ఆ తర్వాత బైకును వెంబడించినా ప్రయోజనం లేకపోయింది. అయితే.. దుండగులకు చెందిన ఓ ఫోన్​ కిందపడగా, దానిని పోలీసులకు అందించారు స్థానికులు.