వేగంగా దూసుకొచ్చి నలుగురు విద్యార్థినులను ఢీకొట్టిన కారు

ఒడిశా గంజాంలో ఘోర రోడ్డు ప్రమాదం జరిగింది. సైకిల్​ను నడిపించుకుంటూ రోడ్డుపై వెళ్తున్న నలుగురు బాలికలను వెనుక నుంచి వేగంగా దూసుకొచ్చిన కారు ఢీకొట్టింది. ఈ ఘటనలో విద్యార్థినులు రోడ్డుపై ఎగిరిపడ్డారు. ఈ ప్రమాదంలో నలుగురు బాలికలు తీవ్రంగా గాయపడ్డారు. హుటాహుటిన స్థానికులు క్షతగాత్రులను ఆస్పత్రికి తరలించారు. పురుషోత్తం పోలీస్ స్టేషన్​ పరిధిలో ఆదివారం జరిగిందీ ఘటన. ఈ ప్రమాద దృశ్యాలు స్థానికంగా ఉన్న సీసీటీవీలో రికార్డయ్యాయి. పోలీసులు కేసు నమోదుచేసుకుని ఈ ఘటనపై దర్యాప్తు చేస్తున్నారు.