గ్రామస్థులపై కోపంతో బైక్​ను గాల్లోకి విసిరేసిన ఏనుగు

ఝార్ఖండ్​ రాంచీలో ఏనుగు హల్​చల్​ చేసింది. తమర్​ పోలీస్​ స్టేషన్​ పరిధిలోని కుద్​బహత్ గ్రామంలోకి ప్రవేశించిన ఏనుగు గ్రామస్థులను హడలెత్తించింది. అడవిలో నుంచి జనావాసాల్లోకి వచ్చిన ఏనుగును గ్రామస్థులు వెళ్లగొట్టె ప్రయత్నం చేశారు. దీంతో ఆగ్రహానికి గురైన ఏనుగు వారిపైకి దూసుకెళ్లింది. అనంతరం అక్కడే ఉన్న బైక్​ను గాల్లోకి విసిరేసింది. ఇందుకు సంబంధించిన దృశ్యాలు వైరల్​గా మారాయి. సమాచారం అందుకున్న అటవీ అధికారులు ఏనుగును అడవిలోకి పంపేందుకు ప్రయత్నిస్తున్నారు.