'డబ్బు ఖర్చుపెడితేనే హుందాతనం రాదు' - డైరెక్టర్లకు చిరు సూచన

Operation Valantine Movie Chiranjeevi Speech : సినిమాల నిర్మాణంపై మెగాస్టార్ చిరంజీవి తాజాగా కీలక వ్యాఖ్యలు చేశారు. డబ్బు ఖర్చుపెడితే సినిమాకు హుందాతనం రాదని, అది మన ఆలోచనల్లో ఉండాలంటూ సూచించారు. తక్కువ బడ్జెట్​తో సినిమాలను తెరకెక్కించి వాటిని ఎలా రిచ్​గా చూపిస్తే బాగుంటుందో డైరెక్టర్లు ఆలోచించాలని కోరారు. అప్పుడే నిర్మాతలు, సినీ పరిశ్రమ బాగుంటుందని ఆయన అభిప్రాయపడ్డారు. తన సోదరుడు నాగబాబు తనయుడు మెగా ప్రిన్స్​ వరుణ్ తేజ్ నటించిన 'ఆపరేషన్ వాలంటైన్' మూవీ ప్రీ రిలీజ్ ఈవెంట్​కు ఆయన ముఖ్య అతిథిగా హాజరయ్యారు. ఈ సందర్భంగా చిరు ఈ వ్యాఖ్యలు చేశారు.  

ఆ చిత్ర నిర్మాణ విషయాలను తెలుసుకొని ఆశ్చర్యపోయారని తెలిపిన చిరు, 75 రోజుల్లోనే ఎంతో నాణ్యతగా డైరెక్టర్ ఈ ఆపరేషన్ ఈ వాలంటైన్​ మూవీని రూపొందించారంటూ ఆశ్చర్యం వ్యక్తం చేశారు. విజువల్స్ చూస్తుంటే తక్కువ బడ్జెట్​లో అంత గొప్ప నాణ్యమైన సినిమా తీశారంటూ కొనియాడారు. ఈ సందర్భంగా డైరెక్టర్ శక్తిప్రతాప్ ను అభినందించిన చిరంజీవి, సినిమా నిర్మాణంలో యంగ్ డైరెక్టర్లతో శక్తిప్రతాప్ స్ఫూర్తిగా నిలుస్తారని పేర్కొన్నారు.