బిందెలో ఇరుక్కున్న చిరుత తల- 5గంటలు నరకయాతన

Leopard Head Stuck in Vessel : ఆహారం కోసం జనావాసాల్లోకి వచ్చిన ఓ చిరుత తల ప్రమాదవశాత్తూ బిందెలో ఇరుక్కుపోయింది. దీంతో 5 గంటల పాటు నరకయాతన అనుభవించింది. ఈ ఘటన మహారాష్ట్రలోని ధూలె జిల్లాలో శనివారం సాయంత్రం జరిగింది.  

ఇదీ జరిగింది
ఆహారం కోసం జనావాసాల్లోకి వచ్చిన చిరుత, ఓ పశువుల పాకలో ఉన్న బిందెలో తల దూర్చింది. దీంతో అందులోనే చిరుత తల ఇరుక్కుపోయి అక్కడే పెనుగులాడింది. ఎంతకూ తల బయటకు రాకపోవటం వల్ల దాదాపు 5 గంటలకు పైగా బిక్కు బిక్కుమంటూ గడిపింది. దీనిని గమనించిన స్థానికులు అటవీ అధికారులకు సమాచారం అందించారు. ఘటనా స్థలానికి చేరుకున్న అటవీ అధికారులు సహాయక చర్యలు చేపట్టారు. పశు వైద్యుల సాయంతో చిరుతకు మత్తు ఇంజెక్షన్​ ఇచ్చి అపస్మారక స్థితిలోకి పంపించారు. అనంతరం మెటల్‌ కట్టర్‌తో బిందెను తొలగించారు. ఆ తర్వాత చిరుతను బోనులో బంధించి స్థానిక అడవిలో వదిలేశారు.