LIVE : నకిరేకల్​ కాంగ్రెస్​ జనజాతర బహిరంగ సభలో మల్లికార్జున ఖర్గే ప్రత్యక్ష ప్రసారం - Congress public meeting Live

Mallikarjun Kharge in Cogress Pubilc Meeting Live : శాసనసభ ఎన్నికల్లో తెలంగాణలో గెలిచిన ఉత్సాహంతో ఉన్న కాంగ్రెస్​ పార్టీ అదే హవాను పార్లమెంటు ఎన్నికల్లో చూపించాలని గట్టి పట్టుదలతో ఉంది. ఈసారి 14 లోక్​సభ స్థానాల కంటే తక్కువ రాకుండా చూసుకోవాలని కాంగ్రెస్ అధిష్ఠానం లెక్కలేసుకుంటుంది. ఈ స్థానాలు గెలిచి సోనియా గాంధీకి బహుమతిగా ఇవ్వాలని చూస్తోంది. ఎన్నికల ప్రచారంలో కూడా కాంగ్రెస్​ దూసుకుపోతుంది. ఇప్పటికే సీఎం రేవంత్​ రెడ్డి అన్ని నియోజకవర్గాల్లో జరిగిన భారీ బహిరంగ సభలు, రోడ్​ షోలలో పాల్గొన్నారు. మరోవైపు కాంగ్రెస్ అగ్రనేతలు రాహుల్​ గాంధీ కూడా వివిధ సభల్లో పాల్గొని కాంగ్రెస్​ శ్రేణుల్లో ఫుల్​ జోష్​ను నింపారు. కాంగ్రెస్​ పార్టీకి రాష్ట్రంలో అధికారంలో ఉండటం ప్రధాన బలంగా చెప్పుకోవచ్చు. బీఆర్​ఎస్​, బీజేపీలపై తీవ్రస్థాయిలో విమర్శలు చేస్తూ ప్రచారాన్ని ముందుకు తీసుకెళుతున్నారు. ఇంకా మరొక్క రోజులో ప్రచారం ముగుస్తుందనగా, ఏఐసీసీ అధ్యక్షుడు మల్లికార్జున ఖర్గే ఎన్నికల ప్రచారంలో పాల్గొన్నారు. నకిరేకల్​ కాంగ్రెస్​ జనజాతర బహిరంగ సభలో పాల్గొన్నారు. ఈ సభలో బీజేపీ, బీఆర్​ఎస్​పై విమర్శలు చేశారు.