మార్కెట్లోకి కిర్రాక్ ఫీచర్లతో రియల్​మీ, రెడ్​మీ 5G స్మార్ట్​ఫోన్లు- వీటిలో ఏది బెస్ట్ ఛాయిస్?

'రియల్​మీ 14 ప్రో' vs 'రెడ్​మీ నోట్ 14 ప్రో'- ఈ రెండింటిలో ది బెస్ట్ స్మార్ట్​ఫోన్ ఇదే!

Realme 14 Pro vs Redmi Note 14 Pro: రియల్‌మీ ఇండియా తన కొత్త 'రియల్‌మీ 14 ప్రో' సిరీస్‌ను నిన్ననే అంటే జనవరి 16, 2025న లాంఛ్ చేసింది. ఈ సిరీస్​లో కంపెనీ 'రియల్‌మీ 14 ప్రో', 'రియల్‌మీ 14 ప్రో ప్లస్‌' అనే రెండు మోడల్స్​ను రిలీజ్ చేసింది. ఈ స్మార్ట్​ఫోన్లలో ప్రపంచంలోనే మొట్టమొదటి ట్రిపుల్ ఫ్లాష్ కెమెరా ఉంది. అంతేకాక ఈ సెగ్మెంట్​ ఫోన్‌లో మాత్రమే క్వాడ్-కర్వ్డ్ డిస్‌ప్లే ఉంటుంది.

వీటితో పాటు వినూత్న రీతిలో ఉష్ణోగ్రతను బట్టి కలర్స్ మార్చే టెక్నాలజీతో కంపెనీ ఈ సిరీస్​ను తీసుకొచ్చింది. ఈ రెండు స్మార్ట్​ఫోన్​ల సేల్స్ జనవరి 23 నుంచి ప్రారంభం కానున్నాయి. అయితే భారత్​లో రియల్​మీకి బిగ్గెస్ట్ కాంపెటీషన్ షావోమీ సబ్​-బ్రాండ్ రెడ్​మీతో నడుస్తుంది. ఇండియన్ మార్కెట్లో ఈ రెండు సంస్థలూ దాదాపు ఒకే రేంజ్ ధరలో స్మార్ట్​ఫోన్​లను రిలీజ్ చేస్తున్నాయి.

ఈ క్రమంలో ఈసారి కూడా రియల్​మీ కొత్త స్మార్ట్​ఫోన్​ల విషయంలో ఇలానే జరుగుతోంది. చైనీస్ స్మార్ట్‌ఫోన్ కంపెనీ రియల్‌మీ కొత్త ఫోన్ 'రియల్‌మీ 14 ప్రో 5G', మరో చైనీస్ ఫోన్ కంపెనీ 'రెడ్‌మీ రెడ్‌మీ నోట్ 14 ప్రో 5G' ఫోన్‌తో పోటీ పడబోతోంది. రెడ్​మీ ఈ ఫోన్‌ను 9 డిసెంబర్ 2024న అంటే దాదాపు ఒక నెల క్రితం లాంఛ్ చేసింది. ఈ సందర్భంగా వీటిలో ఏది బెస్ట్ ఆప్షన్? ఎందులో ఎక్కువ ఫీచర్లు ఉన్నాయి? ఏది వాల్యూ ఫర్ మనీ? వంటి వివరాల కోసం ఈ రెండు స్మార్ట్​ఫోన్ల ధర, స్పెసిఫికేషన్లు, ఫీచర్ల కంపారిజన్ మీకోసం. వీటిని బట్టి వాటిలో మీకు ఏది ఉత్తమ ఎంపిక అనేది మీరే తెలుసుకోవచ్చు.

1. డిజైన్ కంపారిజన్:

రియల్​మీ 14 ప్రో 5G:

• ఈ ఫోన్ పొడవు 162.8mm, వెడల్పు 74.9mm, మందం 7.6mm. ఇక దీని బరువు 179 గ్రాములు. ఈ ఫోన్ పెర్ల్ వైట్, పింక్, గ్రే కలర్ ఆప్షన్లలో మార్కెట్లో లాంఛ్ అయింది. దీని పింక్, గ్రే కలర్ వేరియంట్లు వీగన్ లెదర్ బ్యాక్ డిజైన్‌తో వస్తాయి. కానీ దాని పెర్ల్ వైట్ కలర్ మోడల్​ వినూత్న కోల్డ్-సెన్సిటివ్ కలర్-ఛేంజ్ బ్యాక్ ప్యానెల్‌ను కలిగి ఉంటుంది. ఇందులో హీట్ ఎక్కువైతే కంట్రోల్ చేసేందుకు థర్మోక్రోమిక్ పిగ్మెంట్స్ ఉన్నాయి.
• అంతేకాక ఇది టెంపరేచర్ పెరిగితే సిగ్నల్ కూడా అందిస్తుంది. ఉష్ణోగ్రత 16°C కంటే తక్కువ ఉంటే ఇది పెర్ల్ వైట్​ నుంచి వైబ్రెంట్ బ్లూ కలర్​లోకి మారుతుంది. టెంపరేచర్ పెరిగేకొద్దీ ఇది రివర్స్ అవుతుంది. వీటితో పాటు ఈ మోడల్ ఫోన్ IP66, IP68, IP69 వాటర్ రెసిస్టెంట్, డస్ట్ ప్రూఫ్ సపోర్ట్‌తో వస్తుంది. ఈ ఫోన్‌ను 1.5 మీటర్ల లోతు నీటిలో 30 నిమిషాలు ఉంచినా ఏంకాదని కంపెనీ చెబుతోంది.

రెడ్​మీ నోట్ 14 ప్రో 5G:

• ఇక 'రెడ్​మీ నోట్ 14 ప్రో 5G' స్మార్ట్​ఫోన్ విషయానికొస్తే ఇది 162.33mm పొడవు, వెడల్పు 74.42mm, మందం 8.4mm. ఈ ఫోన్ బరువు 190 గ్రాములు. ఈ ఫోన్ బ్లూ, పర్పుల్, బ్లాక్ కలర్ ఆప్షన్లలో మార్కెట్లో అందుబాటులో ఉంది. ఈ ఫోన్లు లెదర్, ప్లాస్టిక్ బ్యాక్ డిజైన్‌తో వస్తాయి. ఈ ఫోన్ వాటర్ అండ్ డస్ట్ రెసిస్టెన్సీతో IP68 రేటింగ్​తో వస్తాయి.

2. డిస్​ప్లే కంపారిజన్:

• రియల్‌మీ 14 ప్రో 5G:ఈ స్మార్ట్​ఫోన్ 6.77-అంగుళాల కర్వ్డ్ OLED స్క్రీన్‌ను కలిగి ఉంది. ఈ స్క్రీన్ FHD+ 1080x2392 పిక్సెల్స్ రిజల్యూషన్, 120Hz రిఫ్రెష్ రేట్, 4500 nits పీక్ బ్రైట్‌నెస్‌తో వస్తుంది. దీని యాస్పెక్ట్ రేషియో 19.9:9, స్క్రీన్ టు బాడీ రేషియో 93.7%. ఈ ఫోన్ పంచ్-పోల్ డిస్​ప్లేతో వస్తుంది. ఈ ఫోన్ TÜV రీన్‌ల్యాండ్ రగ్డ్ స్మార్ట్‌ఫోన్ సర్టిఫికేషన్, మిలిటరీ గ్రేడ్ షాక్-రెసిస్టెన్స్ టెస్ట్​లో పాస్ అయింది. ఈ కారణంగానే ఈ ఫోన్ చాలా స్ట్రాంగ్​గా ఉంటుందని కంపెనీ గట్టిగా చెబుతోంది. అయితే ఈ డిస్​ప్లే HDR 10+ కి సపోర్ట్​ చేయదు.
• రెడ్​మీ నోట్ 14 ప్రో 5G: 'రెడ్​మీ నోట్​ 14 ప్రో 5G' స్మార్ట్​ఫోన్ 6.67-అంగుళాల కర్వ్డ్ AMOLED డిస్‌ప్లేను కలిగి ఉంది. ఇది FHD+ 1220x2712 పిక్సెల్ రిజల్యూషన్‌తో వస్తుంది. ఈ ఫోన్ రిఫ్రెష్ రేట్ 120Hz, పీక్ బ్రైట్‌నెస్ 3000 నిట్స్. దీని యాస్పెక్ట్ రేషియో 20:9, స్క్రీన్ టు బాడీ రేషియో 93.85%. ఈ ఫోన్ పంచ్-పోల్ డిస్​ప్లేతో వస్తుంది. ఈ డిస్​ప్లే కార్నింగ్ గొరిల్లా గ్లాస్ విక్టస్ 2 ప్రొటెక్షన్, HDR 10+ సపోర్ట్​తో వస్తుంది.

3. ప్రాసెసర్ కంపారిజన్:

• రియల్‌మీ 14 ప్రో 5G:ఈ 'రియల్‌మీ 14 ప్రో 5G' ఫోన్ ఆక్టా-కోర్ (2.5 GHz, క్వాడ్ కోర్, కార్టెక్స్ A78 + 2 GHz, క్వాడ్ కోర్, కార్టెక్స్ A55) CPUతో కూడిన 4nm మీడియాటెక్ డైమెన్సిటీ 7300 ఎనర్జీ చిప్‌సెట్​తో వస్తుంది. దీనిలో గ్రాఫిక్స్ కోసం Mali-G615 MC2 ఉపయోగించారు. ఈ ఫోన్ ప్రారంభ వేరియంట్ 8GB LPDDR4X RAM తో వస్తుంది.
• రెడ్​మీ నోట్ 14 ప్రో 5G:ఈ ఫోన్ ప్రాసెసర్ కోసం 4nm మీడియాటెక్ డైమెన్సిటీ 7300 అల్ట్రా చిప్‌సెట్‌ను కలిగి ఉంది. ఈ చిప్‌సెట్ ఆక్టా-కోర్ (2.5 GHz, క్వాడ్ కోర్, కార్టెక్స్ A78 + 2 GHz, క్వాడ్ కోర్, కార్టెక్స్ A55) CPU, మాలి-G615 MC2 గ్రాఫిక్స్ అంటే GPUతో వస్తుంది. ఈ ఫోన్ 8GB LPDDR4X RAM సపోర్ట్‌తో వస్తుంది.

4. బ్యాక్ కెమెరా కంపారిజన్:

రియల్​మీ 14 ప్రో 5G:

• ఈఫోన్ వెనక భాగంలో డ్యూయల్ కెమెరా సెటప్ ఉంది. ఈ సెటప్ మెయిన్ కెమెరా సోనీ IMX882 50MP సెన్సార్‌తో వస్తుంది. ఇది f/1.8 ఎపర్చరు, 79 డిగ్రీల ఫీల్డ్ ఆఫ్ వ్యూ వైడ్ యాంగిల్ సపోర్ట్‌తో వస్తుంది. ఈ ఫోన్ సెకండ్ బ్యాక్ కెమెరా 2MP మోనో కెమెరా సెన్సార్‌తో వస్తుంది. దీని ఎపర్చరు రేటు f/2.4. ఫోన్​లోని ఈ కెమెరాలు OIS సపోర్ట్, కాంట్రాస్ట్ డిటెక్షన్, ఆటోఫోకస్, ఫేజ్ డిటెక్షన్ ఆటోఫోకస్ ఫీచర్లతో వస్తాయి.
• ఈ ఫోన్ వెనక కెమెరా సెన్సార్లతో పాటు ట్రిపుల్ అంటే మూడు LED ఫ్లాష్ లైట్లు అమర్చారు. దీని కెమెరాలో 20x డిజిటల్ జూమ్, ఆటో ఫ్లాష్, ఫేస్ డిటెక్షన్, ఫిల్టర్లు, టచ్ టు ఫోకస్ ఫీచర్లు ఉన్నాయి.
• అంతేకాక ఈ కెమెరాలు కంటిన్యూయస్ షూటింగ్, HDR, స్ట్రే మోడ్‌తో సహా మొత్తం మూడు షూటింగ్ మోడ్‌లను కలిగి ఉంటాయి. ఈ ఫోన్ కెమెరాతో మీరు 30fps వద్ద 4K వీడియోను షూట్ చేయొచ్చు. డ్యూయల్ వీడియో రికార్డింగ్, స్లో-మోషన్ ఫీచర్లు కూడా ఇందులో ఉన్నాయి.

రెడ్​మీ నోట్ 14 ప్రో 5G:

• ఇక 'రెడ్​మీ నోట్ 14 ప్రో 5G' వెనక భాగంలో ట్రిపుల్ కెమెరా సెటప్ ఉంది. ఈ సెటప్ మెయిన్ కెమెరా సెన్సార్ సోనీ LYT 600 50MP లెన్స్‌తో వస్తుంది. ఇది f/1.5 ఎపర్చరు, వైడ్ యాంగిల్ సపోర్ట్‌తో వస్తుంది. ఈ ఫోన్ సెకండ్ కెమెరా 8MP అల్ట్రా-వైడ్ యాంగిల్ లెన్స్‌తో వస్తుంది. దీని ఎపర్చరు రేటు f/2.2. ఇక ఈ ఫోన్ థర్డ్ కెమెరా 2MP మాక్రో కెమెరా లెన్స్‌తో వస్తుంది.
• ఈ ఫోన్ కెమెరాలు OIS సపోర్ట్, కాంట్రాస్ట్ డిటెక్షన్, ఆటోఫోకస్, ఫేజ్ డిటెక్షన్ ఆటోఫోకస్ ఫీచర్లతో వస్తాయి. అయితే ఈ ఫోన్ బ్యాక్ కెమెరాలతో ఒకే LED ఫ్లాష్ లైట్ అందించారు. దీని కెమెరాలు డిజిటల్ జూమ్, ఆటో ఫ్లాష్, కస్టమ్ వాటర్‌మార్క్, ఫేస్ డిటెక్షన్ ఫీచర్‌లతో వస్తాయి.
• అంతేకాక ఫోన్​లోని ఈ కెమెరాలు కూడా కంటిన్యూయస్ షూటింగ్, HDR, స్ట్రే మోడ్‌తో సహా మొత్తం మూడు షూటింగ్ మోడ్‌లను కలిగి ఉన్నాయి. ఈ ఫోన్ కెమెరాతో మీరు 30fps వద్ద 4K వీడియోను షూట్ చేయొచ్చు. వీటితో పాటు ఇందులో డ్యూయల్ వీడియో రికార్డింగ్ ఫీచర్ కూడా ఉంది.

5. ఫ్రంట్ కెమెరా కంపారిజన్:

• రియల్​మీ 14 ప్రో 5G:ఈ ఫోన్​సెల్ఫీలు, వీడియో కాలింగ్​ కోసం 16MP ఫ్రంట్ కెమెరాను కలిగి ఉంది. ఇది f/2.4 ఎపర్చరు రేటుతో వస్తుంది. దీని ఫ్రంట్ కెమెరా ఫిక్స్ట్​ ఫోకస్‌తో వస్తుంది. దీని ముందు కెమెరాతో 60fps వద్ద పూర్తి HD వీడియో రికార్డింగ్ చేయొచ్చు.
• రెడ్​మీ నోట్ 14 ప్రో 5G:ఈ 'రెడ్​మీ నోట్ 14 ప్రో 5G' సెల్ఫీ, వీడియో కాలింగ్ కోసం 20MP ఫ్రంట్ కెమెరాను కలిగి ఉంది. ఇది f/2.2 ఎపర్చరు, వైడ్ యాంగిల్ సపోర్ట్‌తో వస్తుంది. అయితే ఈ ఫోన్ ముందు కెమెరాలో ఫిక్స్‌డ్ ఫోకస్ ఫీచర్ లేదు. కానీ ఇది కూడా ముందు కెమెరా నుంచి 60fps వద్ద పూర్తి HD వీడియోను రికార్డ్ చేయగలదు.

6. బ్యాటరీ అండ్ ఫాస్ట్ ఛార్జింగ్ కంపారిజన్:

• రియల్‌మీ 14 ప్రో 5G:ఈ ఫోన్​లో 6000mAh బ్యాటరీ ఉంది. ఇది 45W సూపర్ VOOC ఫాస్ట్ ఛార్జింగ్ సపోర్ట్‌తో వస్తుంది. ఈ ఫోన్ బ్యాటరీని 36 నిమిషాల్లో 50% ఛార్జ్ చేయొచ్చని కంపెనీ చెబుతోంది. ఈ ఫోన్ ఛార్జింగ్ కోసం USB టైప్-సి పోర్ట్‌తో వస్తుంది.
• రెడ్​మీ నోట్ 14 ప్రో 5G:ఈ 'రెడ్​మీ నోట్ 14 ప్రో 5G' 5500mAh బ్యాటరీని కలిగి ఉంది. ఇది 45W హైపర్ ఫాస్ట్ ఛార్జింగ్ సపోర్ట్‌తో వస్తుంది. ఈ ఫోన్ కూడా ఛార్జింగ్ కోసం USB టైప్-సి పోర్ట్‌తో వస్తుంది.

7. కనెక్టివిటీ అండ్ ఇతర ఫీచర్ల కంపారిజన్:

• రియల్‌మీ 14 ప్రో 5G:ఈ మోడల్స్మార్ట్​ఫోన్ డ్యూయల్ నానో సిమ్ సపోర్ట్, GSM+GSM, 5G, 4G, 3G, 2G నెట్‌వర్క్ సపోర్ట్, VoLTE సపోర్ట్, GPS, Wi-Fi 6E, బ్లూటూత్ v5.4 సపోర్ట్‌తో వస్తుంది. అయితే దీనిలో NFC సపోర్ట్​ను అందించలేదు. కానీ ఇది ఆన్-స్క్రీన్ ఫింగర్ ప్రింట్ సెన్సార్, లైట్ సెన్సార్, ప్రాక్సిమిటీ సెన్సార్, యాక్సిలరోమీటర్, కంపాస్ సెన్సార్ వంటి అనేక ప్రత్యేక ఫీచర్లతో వస్తుంది.
• రెడ్​మీ నోట్ 14 ప్రో 5G:ఇది డ్యూయల్ నానో సిమ్ సపోర్ట్, GSM+GSM, 5G, 4G, 3G, 2G నెట్‌వర్క్ సపోర్ట్, VoLTE సపోర్ట్, GPS, Wi-Fi 6E, బ్లూటూత్ v5.4 సపోర్ట్‌తో వస్తుంది. దీనిలో కూడా NFC సపోర్ట్​ను అందించలేదు. అయితే ఇది కూడా ఆన్-స్క్రీన్ ఫింగర్ ప్రింట్ సెన్సార్, లైట్ సెన్సార్, ప్రాక్సిమిటీ సెన్సార్, యాక్సిలరోమీటర్, కంపాస్ సెన్సార్ వంటి అనేక ప్రత్యేక ఫీచర్లతో వస్తుంది. మెరుగైన ఆడియో సిస్టమ్ కోసం ఈ ఫోన్‌లో డాల్బీ అట్మోస్ సపోర్ట్​ కూడా అందించారు.

8. ధర కంపారిజన్:

రియల్​మీ 14 ప్రో 5G:

• రియల్​మీ 14 ప్రో 5G మొదటి వేరియంట్ 8GB RAM అండ్ 128GB స్టోరేజ్‌తో వస్తుంది. రియల్‌మీ ఇండియా అధికారిక వెబ్‌సైట్‌లో ఈ వేరియంట్ ధర రూ.24,999.
• దీని సెకండ్ వేరియంట్ 8GB RAM అండ్ 256GB స్టోరేజ్​తో వస్తుంది. రియల్‌మీ ఇండియా అధికారిక వెబ్‌సైట్‌లో ఈ వేరియంట్ ధర రూ.26,999.
• ఈ రెండు వేరియంట్లపై డిస్కౌంట్లు, EMI తో సహా అనేక ఆఫర్లు కూడా నడుస్తున్నాయి. వీటిపై పూర్తి సమాచారం రియల్‌మీ ఇండియా అధికారిక వెబ్‌సైట్‌లో ఉంటుంది.

రెడ్​మీ నోట్ 14 ప్రో 5G:

• ఇక రెడ్​మీ నోట్ 14 ప్రో 5G మొదటి వేరియంట్ 8GB RAM అండ్ 128GB స్టోరేజ్‌తో వస్తుంది. రెడ్‌మీ ఇండియా అధికారిక వెబ్‌సైట్‌లో ఈ వేరియంట్ ధర రూ.24,999.
• దీని సెకండ్ వేరియంట్ 8GB RAM అండ్ 256GB స్టోరేజ్ తో వస్తుంది. రెడ్‌మీ ఇండియా అధికారిక వెబ్‌సైట్‌లో ఈ వేరియంట్ ధర రూ.26,999.
• ఈ రెండు వేరియంట్లపై కూడా డిస్కౌంట్లు, EMIతో సహా అనేక ఆఫర్లు కూడా నడుస్తున్నాయి. వీటిపై పూర్తి సమాచారం రెడ్​మీ ఇండియా అధికారిక వెబ్‌సైట్‌ ద్వారా తెలుసుకోవచ్చు.