గూగుల్ బంపర్ ఆఫర్​ - ఉచితంగా ఏఐ కోర్సులు - నేర్చుకుంటే ఉద్యోగం గ్యారెంటీ!

Google Free Online AI Courses : మీకు ఏఐ కోర్సులు చేయాలని ఉందా? కానీ పెద్దపెద్ద ఇన్​స్టిట్యూట్​లకు వెళ్లి చదువుకొనేంత స్థోమత లేదా? అయినా మరేం ఫర్వాలేదు. దిగ్గజ టెక్నాలజీ కంపెనీ గూగుల్​ పూర్తి ఉచితంగా ఆన్​లైన్​ ఏఐ కోర్సులు అందిస్తోంది. మరెందుకు ఆలస్యం వాటి గురించి తెలుసుకుందాం రండి.

Google Free Online AI Courses : ప్రపంచ ప్రఖ్యాత టెక్నాలజీ కంపెనీ గూగుల్​ విద్యార్థుల కోసం, ప్రొఫెషనల్స్​ కోసం పూర్తి ఉచితంగా 'ఏఐ ఆన్​లైన్​ కోర్సు'లను అందిస్తోంది. వాస్తవానికి ఈ ఆర్టిఫీషియల్ ఇంటెలిజెన్స్​ (ఏఐ) కోర్సులను ఆసక్తి ఉన్న ఎవరైనా ఫ్రీగా నేర్చుకోవచ్చు. మీ స్కిల్స్​ను అప్​గ్రేడ్ చేసుకుని, నూతన ఉద్యోగ అవకాశాలను పొందవచ్చు.

మరి మీరు కూడా ఈ ఏఐ ఆన్​లైన్ కోర్సులు చేయాలని అనుకుంటున్నారా? అయితే మరెందుకు ఆలస్యం, గూగుల్ అందిస్తున్న ఫ్రీ ఏఐ కోర్సుల వివరాలు గురించి తెలుసుకుందాం రండి.

1. Introduction To Large Language Models : ఈ కోర్స్ 'లార్జ్ లాంగ్వేజ్​ మోడల్స్' (LLMs) గురించి తెలుపుతుంది. ఈ ఎల్​ఎల్​ఎమ్స్​ ఉపయోగం ఏమిటి? దీనిని ఎలాంటి సందర్భాల్లో వాడాలి? ప్రాంప్ట్​ ట్యూనింగ్ ఎలా చేయాలి? అనే విషయాలను ఈ కోర్సులో నేర్పుతారు.
2. Introduction To Responsible AI :ఈ కోర్స్​లో రెస్పాన్సిబుల్​ ఏఐ కాన్సెప్ట్ గురించి, దాని ప్రాముఖ్యత గురించి వివరిస్తారు. గూగుల్ తమ ప్రొడక్టుల్లో ఈ 'రెస్పాన్సిబుల్ ఏఐ' టెక్నాలజీని ఏ విధంగా అమలు చేస్తోందో కూడా వివరిస్తారు.
3. Generative AI Fundamentals :ఈ కోర్స్​ ద్వారా జనరేటివ్ ఏఐ, లార్జ్ లాంగ్వేజ్​ మోడల్స్​, రెస్పాన్సిబుల్​ ఏఐ టెక్నాలజీలను సులువుగా నేర్చుకోవచ్చు.
4. Introduction To Image Generation : ఈ కోర్సులో థియరీతోపాటు ఇమేజ్ జనరేషన్​ గురించి నేర్పిస్తారు. వెర్టెక్స్​ ఏఐ ట్రైనింగ్​, డిప్లాయిమెంట్​ గురించి వివరిస్తారు.
5. Encoder - Decoder Architecture : ఈ కోర్సులో 'మెషీన్ లెర్నింగ్ ఆర్కిటెక్చర్​'ను నేర్పిస్తారు. దీనిని ఉపయోగించి సీక్వెన్స్​-టు-సీక్వెన్స్​ టాస్క్​లు ఎలా పూర్తి చేయాలి? ముఖ్యంగా ప్రశ్నలకు సమాధానాలు ఇవ్వడం, ఇచ్చిన పూర్తి సమాచారానికి సారాంశం చెప్పడం, ఒక భాషలోని టెక్ట్స్​ను మరోభాషలోకి అనువాదం చేయడం లాంటి టాస్క్​లను ఎలా పూర్తి చేయాలో నేర్పిస్తారు.
6. Attention Mechanism :ఇన్​పుట్ సీక్వెన్స్​లోని నిర్దిష్ట భాగాలపై ఫోకస్​ చేసేందుకు న్యూరల్ నెట్​వర్క్​ను ఏ విధంగా ఎనేబుల్​ చేయాలి? అనే టెక్నిక్​లను ఈ కోర్సు ద్వారా నేర్చుకోవచ్చు.
7. Create Image Captioning Models : ఈ కొత్త కోర్సులో ఇమేజ్ క్యాప్షనింగ్​ మోడల్స్ గురించి, ఎన్​కోడర్​-డీకోడర్​ ఆర్కిటెక్చర్​ గురించి బోధిస్తారు.
8. Introduction To Generative AI Studio : ఈ కోర్సులో జనరేటివ్ ఏఐ స్టూడియో గురించిన ప్రాథమిక అంశాలను వివరిస్తారు. దీనిని ఉపయోగించి మీ అప్లికేషన్​ల కోసం కస్టమైజ్డ్ జనరేటివ్ ఏఐ మోడల్స్​ను రూపొందించుకోవచ్చు. అలాగే ప్రోటోటైప్​ మోడల్స్​ను కూడా క్రియేట్ చేసుకోవచ్చు.

నేటి కాలంలో ఆర్టిఫీషియల్ ఇంటెలిజన్స్​ కోర్సులకు మంచి డిమాండ్ ఉంది. ఎందుకంటే మార్కెట్లో టెక్​ ఉద్యోగ అవకాశాలు విపరీతంగా పెరుగుతున్నాయి. కనుక ఆసక్తి ఉన్న వారు గూగుల్ అందిస్తున్న ఈ ఫ్రీ ఆన్​లైన్ ఏఐ కోర్సులు చేయడం మంచిది.