అధునాతన టెక్నాలజీతో 'BYD సీలియన్ 7' SUV లాంఛ్- సింగిల్ ఛార్జ్​తో 567 కి.మీ రేంజ్!

దేశీయ మార్కెట్​లోకి BYD సీలియన్ 7- ధర, ఫీచర్లు, పవర్​ట్రెయిన్ వివరాలు మీకోసం- ఓ లుక్కేయండి మరి!

BYD Sealion 7 India Launched: BYD ఇండియా తన సరికొత్త 'BYD సీలియన్ 7' SUVని దేశీయ మార్కెట్​లో లాంఛ్ చేసింది. కంపెనీ దీన్ని మొదటిసారిగా ఇటీవల భారత్ మొబిలిటీ గ్లోబల్ ఆటో ఎక్స్‌పో 2025 ఈవెంట్​లో ప్రదర్శించింది. ఇది నాలుగు డోర్ల ఎలక్ట్రిక్ SUV కూపే లాంటి రూఫ్‌లైన్‌ను కలిగి ఉంది. రెండు వేరియంట్లలో తీసుకొచ్చిన ఈ SUV ధరలను కూడా కంపెనీ ప్రకటించింది. దీని ధరలు మార్కెట్​లో 48.90 లక్షలు (ఎక్స్-షోరూమ్) నుంచి ప్రారంభం అవుతాయి.

బుకింగ్స్ అండ్ డెలివరీస్: ఈ ఎలక్ట్రిక్ SUV బుకింగ్స్ ఇప్పటికే మార్కెట్​లో ప్రారంభమయ్యాయి. ఇప్పుడు అంటే ఈ లాంఛ్​ తర్వాత ఈ కొత్త 'సీలియన్ 7' భారతదేశంలో అమ్మకానికి ఉన్న అట్టో 3 (Atto 3), సీల్ (Seal), eMax7 వంటి ఇతర BYD ఉత్పత్తులతో పాటు మార్కెట్​లో అందుబాటులో ఉంటుంది. అయితే ఈ కొత్త SUV డెలివరీలు మార్చి 7, 2025 నుంచి ప్రారంభం కానున్నాయి.

BYD Sealion 7 (Photo Credit- BYD Auto India)

బ్యాటరీ అండ్ పవర్​ట్రెయిన్​: BYD 'సీలియన్ 7' స్టాండర్డ్ 82.56kWh బ్యాటరీ ప్యాక్‌ను కలిగి ఉంది. సింగిల్ ఛార్జ్​తో దీని పెర్ఫార్మెన్స్ వేరియంట్​ 542 కి.మీ రేంజ్​, ప్రీమియం వేరియంట్​ 567 కి.మీ డ్రైవింగ్ రేంజ్‌ను అందిస్తుందని కంపెనీ చెబుతోంది.

BYD Sealion 7 Display (Photo Credit- BYD Auto India)

ఇక ఈ కొత్త ఎలక్ట్రిక్ SUV పవర్ అవుట్‌పుట్ విషయానికొస్తే టాప్-స్పెక్ పెర్ఫార్మెన్స్ వెర్షన్ 523bhp, 690Nm పీక్ టార్క్‌ను ఉత్పత్తి చేయగలదు. ఇది 0 నుంచి 100kmph వేగాన్ని కేవలం 4.5 సెకన్లలోనే అందుకుంటుంది.

BYD Sealion 7 Dicky (Photo Credit- BYD Auto India)

BYD సీలియన్ 7 ఫీచర్స్: కంపెనీ ఈ BYD సీలియన్ 7 ఎలక్ట్రిక్ SUVని ఫుల్ టెక్నాలజీతో తీసుకొచ్చింది. ఇందులో 15.6-అంగుళాల రిటోటబుల్ ఇన్ఫోటైన్‌మెంట్ స్క్రీన్, వైర్‌లెస్ ఆండ్రాయిడ్ ఆటో అండ్ ఆపిల్ కార్‌ప్లే, డిజిటల్ ఇన్‌స్ట్రుమెంట్ ప్యానెల్, హెడ్స్-అప్ డిస్ప్లే, 12-స్పీకర్ మ్యూజిక్ సిస్టమ్, పనోరమిక్ గ్లాస్ రూఫ్, 50W వైర్‌లెస్ ఛార్జర్, డ్రైవర్ ఫెటీగ్ మానిటరింగ్ సిస్టమ్‌తో లెవల్ 2 ADAS సూట్, పవర్డ్ టెయిల్‌గేట్, 360-డిగ్రీ కెమెరాతో పాటు 11 ఎయిర్‌బ్యాగ్‌లు స్టాండర్డ్​గా వస్తాయి.

BYD Sealion 7 Stylish Alloy Wheel (Photo Credit- BYD Auto India)

వేరియంట్స్: కంపెనీ దీన్ని రెండు వేరియంట్లలో తీసుకొచ్చింది.

• ప్రీమియం
• పెర్ఫార్మెన్స్

ధరలు:

• BYD సీలియన్ 7 ప్రీమియం వేరియంట్ ధర: రూ. 48.90 లక్షలు (ఎక్స్​-షోరూమ్)
• BYD సీలియన్ 7 పెర్ఫార్మెన్స్ వేరియంట్ ధర: రూ. 54.90 లక్షలు (ఎక్స్​-షోరూమ్)