ఇంట్లోనే 'థియేటర్ ఎక్స్​పీరియన్స్'! - సామాన్య ప్రజలకూ అందుబాటులో ధరలో!!

సామాన్య ప్రజలకు అనుగుణంగా హోమ్ థియేటర్ - విభాగం ప్రకారం వ్యయం

Home Theatre Systems With Cinematic Sounds : ఒకప్పుడు సినిమా చూడాలంటే థియేటర్​కు వెళ్లాల్సిందే. ఇంట్లోనే హాయిగా అందరితో కలిసి చూద్దాం అంటే హాల్​లోని దృశ్య, శబ్ద నాణ్యత, సంగీతం ఉండవు. హోం థియేటర్​ కొందామంటే రూ.లక్షల్లో ఖర్చువుతుందని అది కేవలం ధనవంతులకే అని సర్దిపెట్టుకోవాల్సి వచ్చేది. కానీ ఇప్పుడు పరిస్థితి మారింది. హోం థియేటర్​ మధ్యతరగతి ఇళ్లలో సైతం ఉంటోంది. పదుల కొద్దీ ఓటీటీలు, సినిమాలు, వెబ్​సిరీస్​లు, యూట్యూబ్​ వీడియోలతో కొత్తలోకం కనిపిస్తుంది. ఇవే కాకుండా పెళ్లిళ్లు, ప్రీ వెడ్డింగ్​ షూట్లు, ఇతర కార్యక్రమాల వీడియోలను హోం థియేటర్​లో చూస్తేనే వంద శాతం సంతృప్తి అనేలా మారిపోతున్నారు. హోం థియేటర్లలో తెర, టీవీలు, సాంకేతికతకు అనుగుణంగా ధరలు రూ.50 వేల నుంచి మొదలవుతున్నాయి. చిత్రం, శబ్దంలో నాణ్యత కోసం గదిలో ఏర్పాటు చేసే ఆధునిక సౌకర్యాలను అనుగుణంగా ఈ ధర రూ.లక్ష నుంచి మొదలవుతుంది.

కోరుకున్నంత సాంకేతికత : హోం థియేటర్​ అంటే రూ.లక్షల్లో ఖర్చు పెట్టాల్సిన అవసరం లేదు. అలాగని పిక్చర్​, సౌండ్​ విషయంలో రాజీ పడాల్సింది కూడా లేదు. 4కే, అల్ట్రాహెచ్​డీ, క్యూఎల్​ఈడీ టీవీలు, డాల్బీ అట్మాస్​, డీటీఎస్​ ఎక్స్​ శబ్ద సాంకేతికతతో అందుబాటులోకి వస్తున్నాయి. పలు కంపెనీల ఉత్పత్తులు నాణ్యతతో అంతర్జాతీయ బ్రాండ్లకు పోటీనిస్తున్నాయి. దీంతో పెద్ద బ్రాండ్లు సైతం దిగొట్టి సామాన్యుడికి అందుబాటు ధరల్లో విక్రయిస్తున్నాయి. 65 అంగుళాలు యూహెచ్​డీ, క్యూఎల్​ఈడీ టీవీలు రూ.35వేల నుంచి దొరుకుతున్నాయి. సౌండ్​ సిస్టమ్​కు రూ.15 వేలు పెడితే చాలు ఇంట్లోనే హోం థియేటర్​ ఉంటుంది. ప్రముఖ కంపెనీలకు చెందినవైతే కాస్త ధర ఎక్కువగా ఉంటుంది. క్యూఎల్‌ఈడీ, ఓఎల్‌ఈడీ, మినీ ఎల్‌ఈడీ టీవీలకు రూ.లక్షపైనే ఖర్చు పెట్టాల్సిందే. తెర పరిణామం పెరిగేకొద్దీ ధరలు పెరుగుతుంటాయి.

Home Theatre Systems With Cinematic Sounds (ETV Bharat)

• టీవీలకు సంబంధించి నిట్స్​లో కాంతిని కొలుస్తారు. ప్రస్తుతం ఉన్న వాటిలో సూక్ష్మ ఎల్​ఈడీ డయోడ్​లు, ఎల్​ఈడీలు తెరపై శక్తిమంతమైన, స్పష్టమైన రంగుల్ని అందిస్తాయి. నిట్స్​ ఆధారంగా వాటి నాణ్యత, ధర ఉంటుంది.
• సినిమా చూడాలన్నా పాటలు వినాలన్నా సౌండ్ క్వాలిటీ చాలా ముఖ్యం. దీన్ని డాల్బీ అట్మాస్​ టెక్నాలజీ అందిస్తుంది. 360 డిగ్రీల కోణంలో శబ్ద తరంగాలను వ్యాపించేలా చేస్తుంది. ఓటీటీ ఛానెల్స్​లో 4కే, 8కే, రిజల్యూషన్​తో వచ్చే వీడియోలు ఈ విధానాన్ని సపోర్టు చేసేలా రూపోందిస్తున్నారు.
• హోం థియేటర్​లో ప్రొజెక్టర్​ ఖర్చే అధికం. ఇందులో ఎలాంటి రంగు గోడపై ప్రదర్శించినా, ఎగుడు, దిగుడుగా ఉన్న అందుకు అనుగుణంగా చిత్రాన్ని సెట్​ చేసుకునే టెక్నాలజీ అందుబాటులోకి వచ్చింది. ఇవి రూ.6వేల నుంచి రూ.17 లక్షల వరకు లభిస్తున్నాయి. 4కే, 8కే, ఫుల్‌ హెచ్‌డీ, నేటివ్‌ 4కే, తదితర సాంకేతికతకు అనుగుణంగా ధరల శ్రేణి ఉంటుంది.

Home Theatre Systems With Cinematic Sounds (ETV Bharat)

ఏ విభాగంలో ఎంత ఖర్చు :

• సాధారణ రకానివి రూ.50 వేలు వీటిలో 55 నుంచి 65 అంగుళాల మధ్య తోషిబా, టీసీఎల్, హైసెన్స్, హయర్, వూ, ఏసర్, ఎంఐ తదితర కంపెనీల 4కే యూహెచ్‌డీ టీవీలు పానాసోనిక్, ఐకాల్, సోనీ, యమహా, ఓబేజ్, జీబ్రానిక్స్, జేబీఎల్, క్రాస్‌బీట్స్, బోట్, ఫ్రాంటెక్, రీకనెక్ట్, ఇంటెక్స్‌ తదితర కంపెనీల సౌండ్‌ సిస్టమ్‌లు లభిస్తున్నాయి.
• మీడియం విభాగంలో రూ.50 వేల నుంచి రూ.లక్ష.. 65 అంగుళాల్లో ఎల్జీ, శ్యాంసంగ్, టీసీఎల్, సోనీ, హయర్, వూ, క్యాండీ, ఏసర్, ఇఫాల్కన్, హైసెన్స్, ఎంఐ తదితర కంపెనీల్లో లభిస్తున్నాయి. క్యూఎల్‌ఈడీ, క్రిస్టల్‌ యూహెచ్‌డీ, ఓఎల్‌ఈడీ టీవీలు యమహా, సోనీ, మివి, జీబ్రానిక్స్, బోట్, లాగిటెక్‌ ఎల్జీ, జేబీఎల్, తదితర కంపెనీల సౌండ్‌ సిస్టమ్‌ వస్తున్నాయి.
• ప్రీమియం విభాగంలో రూ.లక్ష నుంచి రూ.5 లక్షల వరకు ఖర్చు అవుతుంది. శ్యాంసంగ్, సోనీ, ఎల్జీ తదితర కంపెనీల 65 అంగుళాల ఓఎల్‌ఈడీ టీవీలు, ఇతర బ్రాండ్లలో 65 అంగుళాలపైన మినీ ఎల్‌ఈడీ ఓఎల్‌ఈడీ, టీవీలు లభిస్తుండగా ఎలాక్, బోవర్స్‌-విల్‌కిన్స్, ఎల్జీ, బాస్, సోనీ, హార్మన్, గాలో, ఫోకల్, ఓంక్యో, జేబీఎల్‌ తదితర కంపెనీల సౌండ్‌ సిస్టమ్‌లు లభ్యమవుతున్నాయి.
• లగ్జరీ విభాగంలో రూ.5 లక్షల నుంచి రూ.30 లక్షల పైన సోనీ, శ్యాంసంగ్, టీసీఎల్, తోషిబా, ఎల్జీ, హైసెన్స్‌ తదితర కంపెనీల 85 అంగుళాలల టీవీలు లభిస్తున్నాయి. ఆపైన క్రిస్టల్‌ 4కే యూహెచ్‌డీ, నియో క్యూఎల్‌ఈడీ 4కే, మినీ ఎల్‌ఈడీ, ఫుల్‌ ఎరే తదితర రకాల తెరలు అందుబాటులో ఉన్నాయి. డెనాన్, మరాంతజ్, మార్టిన్‌ లోగన్, బ్యాంగ్‌ లోఫ్‌సెన్, క్యూబ్, బోస్, యమహా, సోనీ, పయనీర్, డెఫినిటివ్, బోయర్స్‌ వికిన్స్, ఎల్జీబెన్‌క్యు, ప్లాటిన్‌ మొనాకో, బోస్, జేవీసీ, క్లిప్స్క్‌ తదితర కంపెనీల సౌండ్‌ సిస్టమ్స్‌లు ఉన్నాయి.

సౌండ్ ప్రూఫింగ్​ :గది లోపల సౌండ్ బయటకు రాకుండా, బయట శబ్దాలు లోనికి రాకండా నియంత్రిచడానికి సౌండ్ ప్రూఫింగ్ చేయించాలి. అది చాలా ఉపయోగపడుతుంది. గాలిని బయటకు పోకిండా బంధించేదే సౌండ్​ ప్రూఫింగ్​ సిస్టమ్. స్పీకర్​ పెర్​ఫార్మెన్స్ 100 శాతం ఎంజాయ్​ చేయాలన్నా, రిఫ్లెక్షన్స్​ రాకుండా సౌండ్ క్వాలిటీ పెరగాలన్నా అకాస్టిక్స్ ముఖ్యం. బడ్జెట్​పై ఆధారపడి రూ.6లక్షల నుంచి రూ.7 లక్షల బడ్జెట్​లో థియేటర్​ ఏర్పాటు చేసుకోవచ్చు. మంచి అనుభూతి పొందాలంటే అదనపు స్పీకర్లు, విలాసవంతమైన సీట్లు, గది అంతా కర్టయిన్లు, కార్పెట్లు, కస్టమైజ్డ్ లైటింగ్ ఏర్పాటు చేసుకుంటే ఆ ఫీల్​ వెరే. గది విస్తీర్ణం, సీటింగ్ సామర్థ్యం మేరకు ఖర్చు పెరుగుతోంది.