'అడిగి మరీ వచ్చాడు- చెప్పినట్లే రఫ్పాడించాడు!'

తిలక్ వర్మ తొలి సెంచరీ- తెలుగు కుర్రోడిపై సూర్య ప్రశంసలు

Tilak Varma Century :సౌతాఫ్రికాతో టీ20 సిరీస్​లో భారత్ 2-1తో ఆధిక్యంలోకి దూసుకెళ్లింది. గురువారం సెంచూరియన్ వేదికగా జరిగిన మూడో మ్యాచ్​లో టీమ్ఇండియా 11 పరుగుల తేడాతో నెగ్గింది. ఈసారి వన్​ డౌన్​లో బరిలోకి దిగిన తెలుగు తేజం తిలక్ వర్మ సూపర్ సెంచరీతో అదరగొట్టాడు. అయితే తిలక్ తనకు చెప్పి మరీ ఈ మ్యాచ్​లో రప్ఫాడించాడని కెప్టెన్ సూర్యకుమార్ యాదవ్ అన్నాడు.

'రెండో మ్యాచ్ తర్వాత తిలక్ నా రూమ్​లోకి వచ్చాడు. మూడో టీ20లో వన్​ డౌన్​లో బ్యాటింగ్​కు దిగుతానని నాతో చెప్పాడు. తప్పుకుండా రాణిస్తాననే నమ్మకం ఉందని అన్నాడు. అందకు నేను కూడా సరే అన్నాను. అప్పుుడు అడిగి మరీ ఛాన్స్ తీసుకున్న తిలక్, ఇప్పుడు సెంచరీతో అదరగొట్టాడు. దీంతో తనతోపాటు ఫ్యామిలీ కూడా హ్యాపీగానే ఉండి ఉంటారు. ఇక ఈ మ్యాచ్​లో విజయం సాధించడం ఆనదంగా ఉంది. చర్చించుకున్నట్లే మేం బ్రాండ్ క్రికెట్ ఆడాం. మా కుర్రాళ్లు నెట్స్​లో బాగా ప్రాక్టీస్ చేశారు. జట్టు మంచి మార్గంలోనే వెళ్తుందని అనుకుంటున్నా​' అని మ్యాచ్ అనంతరం సూర్య కుమార్ అన్నాడు.

ఇది నా కల

'సెంచరీ కంటే మ్యాచ్‌ గెలవడం ఎక్కువ ఆనందాన్ని ఇచ్చింది. అది మాటల్లో చెప్పలేను. దేశం తరఫున ఆడాలని, సెంచరీ చేయాలనేది నా కల. అది ఇప్పుడు నిజమైంది. ఈ క్రెడిట్​ అంతా కెప్టెన్ సూర్యకుమార్‌ యాదవ్‌దే. నాకు మూడో స్థానంలో బరిలో దిగే ఛాన్స్​ ఇచ్చింది అతడే. అందుకే మరోసారి సూర్యకు థాంక్స్. తొలుత పిచ్‌ పేస్‌కు సహకరించింది. కొత్తగా వచ్చిన బ్యాటర్లకు పరుగులు చేయడం ఈజీ కాదు. అభిషేక్ ఔటైన తర్వాత బ్యాటింగ్​కు వచ్చే ప్లేయర్లపై ఒత్తిడి లేకుండా చేయాలన్న ఉద్దేశంతోనే దూకుడు పెంచాను. మంచి పార్ట్​నర్షిప్ నమోదైతే భారీ స్కోర్ ఖాయమని అనుకున్నా' అని సెంచరీ హీరో తిలక్ వర్మ పేర్కొన్నాడు.

తొలి సెంచరీతోనే రికార్డ్
తిలక్ వర్మ కెరీర్​లో తొలి సెంచరీతోనే రికార్డు ఖాతాలో వేసుకున్నాడు. టీమ్ఇండియా తరఫున అంతర్జాతీయ టీ20 సెంచరీ చేసిన రెండో అతి పిన్నవయస్కుడి (22 ఏళ్ల 4 రోజులు)గా నిలిచాడు. ఈ లిస్ట్​లో యశస్వీ జైస్వాల్ (21 ఏళ్ల 279 రోజుల్లో నేపాల్‌పై)