'టాస్ కూడా ప్రాక్టీస్ చేస్తున్నా, అయినా గెలవట్లేదు'- రుతురాజ్ గైక్వాడ్ - IPL 2024

Ruturaj Gaikwad IPL Toss: టాస్​ సమయంలో కాస్త ఒత్తిడికి గురవుతున్నట్లు చెన్నై కెప్టెన్ రుతురాజ్ అన్నాడు. అందుకే తన టీమ్​మేట్స్​తో కలిసి డగౌట్​లో టాస్ ప్రాక్టీస్ చేస్తున్నట్లు తెలిపాడు.

Ruturaj Gaikwad IPL Toss:క్రికెట్​ మ్యాచ్​లో టాస్​ది మేజర్ రోల్ అని చెన్నై సూపర్​ కింగ్స్​ కెప్టెన్ రుతురాజ్ గైక్వాడ్ అభిప్రాయపడ్డాడు. ఈ క్రమంలో మ్యాచ్​కు ముందు టాస్ సమయంలో కాస్త ఒత్తిడికి గురవుతున్నట్లు చెప్పాడు. అందుకే తన టీమ్​మేట్స్​తో కలిసి డగౌట్​లో టాస్ ప్రాక్టీస్ చేస్తున్నట్లు తెలిపాడు. తాజాగా స్టార్​స్పోర్ట్స్ ఇంటర్వ్యూలో పాల్గొన్న రుతురాజ్ టాస్ గురించి ఇంట్రెస్టింగ్ విషయాలు షేర్ చేసుకున్నాడు.

'గేమ్​లో టాస్ ఇంపార్టెంట్. అది నాకు తెలుసు. కానీ అది మన కంట్రోల్​ (చేతుల్లో) లేనిది. అందుకే నేను 7- 8 మంది మా టీమ్​మేట్స్​తో టాస్ కూడా ప్రాక్టీస్ చేస్తున్నా. ప్రాక్టీస్​లో అందరితోనూ టాస్​లో నేను గెలుస్తున్నా. దీంతో పుల్ కాన్ఫిడెంట్​గా మ్యాచ్​లో టాస్​కు వెళ్తే అక్కడ మాత్రం ఓడిపోతున్నా. నాకు అదృష్టం కలిసొచ్చి రానున్న మ్యాచ్​ల్లో టాస్ గెలుస్తానేమో అని మహీ భాయ్​తో చెప్పా. 'నీ లక్ ఏమీ మారదు. ప్రాక్టీస్​లో చాలాసార్లు టాస్ గెలిచావ్ కదా, అందుకే ఇప్పుడు ఓడిపోతున్నావు' అని సరదాగా అన్నాడు' అని రుతురాజ్ చెప్పాడు. కాగా, తాజా పంజాబ్​ మ్యాచ్​తో సహా ప్రస్తుత సీజన్​లో రుతురాజ్ 10లో 9సార్లు టాస్ ఓడిపోయాడు.

ఇక క్రికెట్​లో మ్యాచ్​లు నెగ్గడంలో టాస్​ (Toss)లు కూడా అప్పుడప్పుడు కీలక పాత్ర పోషిస్తాయి. టాస్ నెగ్గితే పిచ్ కండిషన్​, వాతావరణాన్ని బట్టి బ్యాటింగ్ లేదా బౌలింగ్ నచ్చింది ఎంచుకోవచ్చు. కొందరు ప్లేయర్లైతే టాస్ నెగ్గితే సగం మ్యాచ్ గెలిచినట్లు ఫీలైపోతుంటారు. ఐపీఎల్ మ్యాచ్​లు అందుకు వ్యతిరేకం కాదు. క్యాష్ రిచ్ లీగ్​లోనూ టాస్​ది కీలక పాత్రే!

ఇక మ్యాచ్ విషయానికొస్తే, పంజాబ్ 7 వికెట్ల తేడాతో నెగ్గింది. సీఎస్కే నిర్దేశించిన 163 పరుగుల టార్గెట్​ను పంజాబ్ 17.5 ఓవర్లలోనే ఛేదించింది. జాని బెయిర్​స్ట్రో (46 పరుగులు), రిలీ రొస్సో (43 పరుగులు) రాణించారు. చివర్లో శశాంక్ సింగ్ (25 పరుగులు), శామ్ కరన్ (26 పరుగులు) పంజాబ్​కు విజయాన్ని అందించారు. ఇక ప్రస్తుత సీజన్​లో పంజాబ్​కు ఇది నాలుగో విజయం కాగా, చెన్నైకి ఐదో ఓటమి.