Pat Cummins SRH :ప్రస్తుతం ఐపీఎల్లో సన్రైజర్స్ హైదరాబాద్ జట్టు సూపర్ ఫామ్లో ఉంది. సరికొత్త రికార్డులను సృష్టిస్తూ దూసుకెళ్తోంది. గ్రూప్-స్టేజ్‌లో ఆడిన ఏడు మ్యాచ్‌లలో ఐదింటిలో విజయం సాధించిన ఈ జట్టు, ఐపీఎల్ హిస్టరీలో అత్యధిక స్కోరు రికార్డు(ఆర్సీబీపై 287)ను కూడా ఇటీవలే సొంతం చేసుకుంది. అంతే కాకుండా ఏకంగా మూడు సార్లు 250కి పైగా పరుగులు చేసింది.
మొదటి మూడు మ్యాచ్‌లలో రెండింట్లో ఓడిపోయిన సన్రైజర్స్ పేలవంగా టోర్నీ మొదలుపెట్టి అనంతరం వరుస విజయాలు అందుకుంది. సంచలనానికి కేరాఫ్‌ అడ్రస్‌గా మారింది. ఇటువంటి విజయాల వెనక ఆ జట్టు కెప్టెన్ ప్యాట్ కమిన్స్ కృషి ఎంతో ఉంది. ఓ ప్లేయర్గానే కాకుండా ఓ కెప్టెన్గానూ జట్టుకు ఎన్నో కీలక బాధ్యతలు అందించాడు ఈ స్టార్ క్రికెటర్. దీంతో ఇప్పుడు ఎటు చూసిన కమిన్స్ పేరు మారుమోగిపోతోంది.
తాజాగా ఈ స్టార్ క్రికెటర్ తెలుగు డైలాగ్స్ చెప్పి నెటిజన్లను అబ్బురపరిచాడు. "ఒక్కసారి కమిట్ అయితే నా మాట నేనే వినను", "కమ్మిన్స్ అంటే క్లాస్ అనుకున్నావా? మాస్ ఊరమాస్", "SRH అంటే ఫ్లవర్ అనుకుంటివా? ఫైరూ" అంటూ అభిమానులను ఆకట్టుకుంటున్నాడు. అంతే కాకుండా పవన్ కల్యాణ్ మేనరిజం చేసి అదరగొట్టాడు. ప్రస్తుతం దీనికి సంబంధించిన వీడియో నెట్టింట ట్రెండ్ అవుతోంది.