RCB Bowling Coach IPL 2025 :ఐపీఎల్ 2025 కోసం రాయల్ ఛాలెంజర్స్ కీలక నిర్ణయం తీసుకుంది. జట్టులో కీలక మార్పు చేసింది. పురుషుల జట్టు బౌలింగ్ కోచ్గా ఓంకార్ సాల్విని నియమించిట్లు ఆర్సీబీ మేనేజ్మెంట్ సోమవారం వెల్లడించింది. ఈ మేరకు సోషల్ మీడియాలో పోస్ట్ షేర్ చేసింది. ప్రస్తుతం ముంబయి హెడ్కోచ్గా ఉన్న ఓంకార్ సాల్వీ, రానున్న ఐపీఎల్ సీజన్లో ఆర్సీబీకి బౌలింగ్ కోచ్గా వ్యవహరించనున్నాడని పేర్కొంది.
'గత 8 నెలల వ్యవధిలో రంజీ ట్రోఫీ, ఇరానీ ట్రోఫీ నెగ్గిన ఓంకార్ సాల్వి 2025 ఐపీఎల్ కోసం మాతో కలవనున్నాడు. ప్రస్తుతం డొమెస్టిక్ టోర్నీల్లో బిజీగా ఉన్న ఓంకార్, అవి పూర్తైయ్యాక ఆర్సీబీతో ప్రయాణం ప్రారంభించనున్నాడు' అని ఆర్సీబీ వెల్లడించింది. కాగా, ప్రస్తుతం ఓంకార్ రంజీ ట్రోఫీలో ముంబయి జట్టుకు కోచ్గా వ్యవహరిస్తున్నాడు.
ఆర్సీబీ బౌలింగ్ కోచ్గా ఓంకార్ సాల్వీని సంతోషంగా స్వాగతిస్తున్నాం. అతడి అనుభవం మాకు ఎంతో ఉపయోగపడుతుంది. ముఖ్యంగా పేస్ బౌలర్లను సాల్వీ అత్యుత్తమంగా తీర్చిదిద్దుతారు. ఇక డొమెస్టిక్ టోర్నీల్లో అతడు అత్యంత విజయవంతమైన వ్యక్తి అని ఇప్పటికే నిరూపితమైంది. మా కోచింగ్ స్టాఫ్కు సరిపోయే సరైన వ్యక్తి అతడు. అతడి లీడర్షిప్, టెక్నికల్ నాలెడ్జ్, అనుభవంతో డ్రెస్సింగ్ రూమ్ వాతావరణం ఉత్సాహంగా ఉంటుందని భావిస్తున్నా' అని ఆర్సీబీ డైరెక్టర్ మో బొబాట్ పేర్కొన్నాడు. ఇక మాజీ క్రికెటర్ దినేశ్ కార్తిక్ను ఆర్సీబీ ఇప్పటికే తమ జట్టు బ్యాటింగ్ కోచ్గా నియమించుకుంది.
భారీ మొత్తంలో వేలంలోకి