10 పరుగులకే ఆలౌట్- T20 హిస్టరీలో అత్యల్ప స్కోర్ - T20 Lowest Score

T20 Lowest Score: టీ20 క్రికెట్ చరిత్రలో మరోసారి అత్యల్ప స్కోర్ నమోదైంది. టీ20 ప్రపంచకప్ క్వాలిఫయర్​లో భాగంగా జరిగిన మ్యాచ్​లో మంగోలియా 10 పరుగులకే కుప్పకూలింది.

T20 Lowest Score:పురుషుల టీ20 క్రికెట్ చరిత్రలో మరోసారి అత్యల్ప స్కోర్ నమోదైంది. గురువారం సింగపూర్​తో జరిగిన మ్యాచ్​లో మంగోలియా 10 పరుగులకే కుప్పకూలింది. దీంతో పొట్టి ఫార్మాట్ చరిత్రలో అత్యల్ప స్కోర్ నమోదు చేసిన ఐల్ ఆఫ్ మ్యాన్ జట్టు (Isle of Man's vs Spain) సరసన చేరింది.

టీ20 వరల్డ్​కప్ ఆసియా క్వాలిఫయర్​లో భాగంగా సింగపూర్ జట్టును మంగోలియా ఢీకొట్టింది. ఈ మ్యాచ్​లో తొలుత బ్యాటింగ్ చేసిన మంగోలియా 10 పరుగులకే ఆలౌటైంది. జట్టులో ఐదుగురు బ్యాటర్లు డకౌట్​ అయ్యారు. అనంతరం ఛేజింగ్​లో సింగపూర్ 1 వికెట్ కోల్పోయి 5 బంతుల్లోనే టార్గెట్ అందుకుంది. దీంతో సింగపూర్ టీ20 హిస్టరీలో బంతుల పరంగా రెండో అతిపెద్ద విజయం నమోదు చేసింది. ఈ మ్యాచ్​లో సింగపూర్ 115 బంతులు మిగిలుండగానే నెగ్గింది.

కాగా, తొలిసారిగా ఐల్ ఆఫ్ మ్యాన్ జట్టు 2023 ఫిబ్రవరిలో స్పెయిన్​ (Isle of Man's vs Spain)తో జరిగిన మ్యాచ్​లో 8.4 ఓవర్లలో 10 పరుగులకే ఆలౌటైంది. టీ20 చరిత్రలో ఇదే తొలిసారి నమోదైన అత్యల్ప స్కోర్ కాగా, తాజాగా మంగోలియా కూడా దాని సరసన చేరింది.

బంతుల పరంగా టీ20ల్లో అతిపెద్ద విజయాలు

మ్యాచ్	మిగిలిన బంతులు	విన్నర్
స్పెయిన్ vs ఐల్ ఆఫ్ మ్యాన్	118 బంతులు	స్పెయిన్ (2023)
సింగపూర్ vs మంగోలియా	115 బంతులు	సింగపూర్ (2024)
జపాన్ vs మంగోలియా	112 బంతులు	జపాన్ (2024)
హాంగ్ కాంగ్ vs మంగోలియా	110 బంతులు	హాంగ్​కాంగ్ (2024)
కెన్యా vs మాలి	105 బంతులు	కెన్యా (2022)

ఆ చెత్త రికార్డూ మంగోలియాదే:కొంతకాలంగా టీ20ల్లో మంగోలియా పేలవ ప్రదర్శన కొనసాగుతోంది. తాజాగా టీ20ల్లోనే అత్యల్ప స్కోర్ నమోదు చేయగా, ఇదే ఫార్మాట్​లో రెండో అత్యల్ప స్కోర్ రికార్డు కూడా మంగోలియాపైనే ఉంది. ఇదే ఏడాది మే లో జపాన్​ను ఢీకొట్టిన మంగోలియా టీమ్​ 8.2 ఓవర్లలోనే 12 పరుగులు చేసి కుప్పకూలింది. ఈ మ్యాచ్​లో జపాన్ నిర్దేశించిన 218 పరుగుల భారీ లక్ష్యాన్ని చేధించేందుకు బరిలోకి దిగిన మంగోలియా ​ 8.2 ఓవర్లలోనే 12 పరుగులకు ఆలౌటైంది.