T20 World Cup 2024 :దాదాపు రెండు నెలల సుధీర్ఘ ప్రయాణం తర్వాత ఐపీఎల్ 2024 లీగ్ స్టేజ్ ముగిసింది. ప్లే ఆఫ్స్కు వేళైంది. మరో ఆరు రోజుల్లో ఈ సీజన్ విజేత ఎవరో కూడా తేలనుంది. ఇక ఈ మెగా లీగ్ ముగిశాక భారత ఆటగాళ్లు టీ20 వరల్డ్ కప్ కోసం సన్నద్ధమవ్వనున్నారు. ఈ క్రమంలో ఓ అసక్తికరమైన విషయం వెలుగులోకి వచ్చింది.
అదేంటంటే, లీగ్ స్టేజ్ ముగిశాక పాయింట్ల టేబుల్లో తొలి రెండు స్థానాల్లో నిలిచిన కోల్కతా నైట్ రైడర్స్, సన్రైజర్స్ హైదరాబాద్ జట్లకు ఓ ప్రత్యేకత ఉంది. వచ్చే నెల భారత్ తరఫున టీ20 వరల్డ్ కప్ ఆడబోయే 15 మంది ప్లేయర్స్లో ఒక్కరు కూడా అగ్రస్థానాల్లో నిలిచిన ఈ రెండు జట్లలో లేరు. ఒక్క కేకేఆర్‌కు ప్రాతినిథ్యం వహిస్తున్న రింకూ సింగ్‌ మాత్రమే రిజర్వ్ ప్లేయర్గా నిలిచాడు. ఇక ఈ సీజన్లో చివరి స్థానంలో ఉన్న ముంబయి ఇండియన్స్‌లో మాత్రం అత్యధికంగా నలుగురు, దిల్లీ క్యాపిటల్స్‌లో ముగ్గురు ప్లేయర్ ఉన్నారు. ఇంకా ఈ సీజన్లోని మొత్తం నాలుగు జట్ల నుంచి ఒక్క ఇండియన్ ప్లేయర్ కూడా వరల్డ్ కప్ జట్టులో చోటు దక్కించుకోలేకపోయాడు.