IPL 2024 Pant Fitness : ఐపీఎల్ 2024 సీజన్ ప్రారంభానికి మరో 12 రోజులు ఉండగా దిల్లీ క్యాపిటల్స్‌కు శుభవార్త అందింది. ఆ జట్టు కెప్టెన్ రిషబ్‌ పంత్కు నేషనల్‌ క్రికెట్ అకాడమీ క్లియరెన్స్ ఇచ్చినట్లు తెలుస్తోంది. ప్రస్తుతం ఈ విషయం సోషల్ మీడియాలో బాగా ట్రెండ్ అవుతోంది. ఇప్పుడు తాజాగా ఎన్‌సీఏ ఇచ్చిన ఎన్‌ఓసీతో ఐపీఎల్ 2024 సీజన్ ఆడేందుకు పంత్కు లైన్ క్లియర్‌ అయినట్టవుతుంది.
ఇకపోతే గత కొద్ది రోజులుగా పంత్ దిల్లీ క్యాపిటల్స్ క్యాంప్లో ప్రాక్టీస్ బాగానే చేస్తున్నాడు. అతడి ఫిజికల్‌ ఫిట్నెస్ కూడా మళ్లీ మనుపటి తరహాలో ఉన్నట్లు అనిపించింది. అతడు భారీ షాట్లు కూడా ఆడాడు. దీనికి సంబంధించిన వీడియోలు సోషల్ మీడియాలో బాగా చక్కర్లు కొట్టాయి. కానీ ఎన్‌సీఏ నుంచి అఫీషియల్ అనౌన్స్మెంట్ రాకపోవడం వల్ల దిల్లీ క్యాపిటల్స్ జట్టు పంత్ పేరును టీమ్లో చేర్చలేదు. అయితే ఇప్పుడు తాజాగా సీజన్లో పంత్ కెప్టెన్‌గా, బ్యాటర్‌గా మాత్రమే అందుబాటులో ఉంటాడని ఇంగ్లీష్ మీడియాలో కథనాలు వస్తున్నాయి. వికెట్ కీపింగ్ మాత్రం అనుమానమనే అని అంటున్నాయి.