Ind Vs Eng 4th Test : రాంచీ వేదికగా టీమ్‌ఇండియాతో జరుగుతున్న నాలుగో టెస్టు తొలి ఇన్నింగ్స్‌లో ఇంగ్లాండ్ జట్టు 353 పరుగులకు ఆలౌట్‌ అయింది. ఓవర్నైట్ 302/7తో రెండో రోజు ఆట ప్రారంభించిన ఇంగ్లీష్ జట్టును కట్టడి చేసిన రోహిత్ సేన వరుస వికెట్లతో చెలరేగిపోయింది. ఆల్‌రౌండర్‌ జడేజా దెబ్బకు ఇంగ్లీష్ జట్టు డీలా పడిపోయింది. దీంతో ఓవర్నైట్ స్కోర్కు మరో 51 పరుగులు జోడించిన ఇంగ్లీష్ ప్లేయర్లు పెవిలియన్ బాట పట్టారు.
అర్ధశతకం సాధించిన రాబిన్సన్‌(58) టెస్టుల్లో తొలి అర్ధ శతకం సాధించాడు. అయితే అనూహ్యంగా జడేజా చేతికి చిక్కాడు. ఆ తర్వాత షోయబ్‌ బషీర్ను కూడా అదే ఓవర్‌లో జడ్డూ పెవిలియన్ బాట పట్టించాడు. ఆ తర్వాత వచ్చిన జేమ్స్‌ అండర్సన్‌ కూడా జడేజా బౌలింగ్‌లోనే ఎల్బీగా వెనుదిరిగాడు. ఇక ఆఖరి వరకు పోరాడిన జో రూట్ శతకంతో(122) నాటౌట్‌గా నిలిచాడు. రూట్-రాబిన్సన్‌ కలిసి ఎనిమిదో వికెట్‌కు 100 పరుగుల భాగస్వామ్యం నమోదు చేశారు. మరోవైపు భారత బౌలర్లలో జడేజా 4, ఆకాశ్‌దీప్‌ 3, సిరాజ్‌ 2, అశ్విన్ 1 వికెట్ తీశారు.