Homecoming of IPL Stars : సౌదీలోని జెడ్డా వేదికగా ఐపీఎల్ మెగా వేలం ఎంతో ఆసక్తికరంగా సాగింది. ముఖ్యంగా ఇందులో ఎన్నో సర్ప్రైజింగ్ ఘటనలను కూడా క్రికెట్ లవర్స్ చూశారు. కొంత మంది ప్లేయర్స్ అనూహ్యంగా అన్సోల్డ్గా మిగలగా, మరికొందరేమో అధిక ధరకు కొత్త ఫ్రాంచైజీల బాట పట్టారు. మరికొందరేమో హోమ్ టీమ్స్‌కి తిరిగి వచ్చారు. ఇంతకీ వారెవరో చూద్దామా?
రవిచంద్రన్ అశ్విన్ :
గతేడాది రాజస్థాన్ రాయల్స్ జట్టుకు ప్రాతినిథ్యం వహించిన స్టార్ స్పిన్నర్ రవిచంద్రన్ అశ్విన్ను ఈ సారి మెగా వేలంలో చెన్నై ఫ్రాంచైజీ కొనుగోలు చేసింది. అతడ్నీ ఆ జట్టు రూ. 9.75 కోట్లకు తీసుకంది. ఇందులో విశేషం ఏంటంటే 10 ఏళ్ల తర్వాత చెన్నై టీమ్కు అశ్విన్ రీఎంట్రీ ఇచ్చాడు. దీంతో యెల్లో ఆర్మీ సంబరాలు చేసుకుంటున్నారు.
జోఫ్రా ఆర్చర్ :
మెగా వేలంలోకి లాస్ట్ మినిట్లో వచ్చి భారీ ధరకు అమ్ముడుపోయాడు ఇంగ్లాండ్ క్రికెటర్ జోఫ్రా ఆర్చర్. తాజాగా జరిగిన ఆక్షన్లో అతడ్ని రాజస్థాన్ రాయల్స్ ఏకంగా రూ.12.50 కోట్లకు కొనుగోలు చేసింది. అయితే 2018లో ఈ స్టార్ క్రికెటర్ ఈ జట్టు ద్వారానే తన ఐపీఎల్ తెరంగేట్రం చేశాడు. అప్పుడు రాజస్థాన్ తనను రూ.7.80 కోట్లకు కొనుగోలు చేసింది. ఇప్పుడు నాలుగేళ్ల తర్వాత మళ్లీ పింక్ టీమ్లోకి జోఫ్రా ఎంట్రీ ఇవ్వడం క్రికెట్ లవర్స్ ఎంతో ఆనందంగా అనిపిస్తోంది.
ట్రెంట్ బౌల్ట్ :
న్యూజిలాండ్‌కి చెందిన ఈ స్టార్ క్రికెటర్ను తాజా వేలంలో ముంబయి ఇండియన్స్ ఫ్రాంచైజీ రూ.12.5 కోట్లు వెచ్చించి మరీ కొనుగోలు చేసింది. సరిగ్గా నాలుగేళ్ల క్రితం (2020) ఆ జట్టు విజయంలో కీలక పాత్ర పోషించిన ట్రెంట్, ఆ తర్వాత 2021లో ఆ జట్టు నుంచి బయటకు వచ్చాడు. ఇప్పుడు మళ్లీ ముంబయి జట్టులోకి రీ ఎంట్రీ ఇచ్చి అందరినీ సర్ప్రైజ్ చేశాడు.