Telangana Tourism Hyderabad One Day Tour :చారిత్రక కట్టడాలు, పురాతన ప్యాలెస్లు, రాచరికానికి అద్దం పట్టే కోటలు, రుచికరమైన బిర్యానీ, ఇలా చెప్పుకుంటూ పోతే హైదరాబాద్లో లేనిదంటూ ఏదీ లేదు. అందుకే చాలా మంది వీలు కుదిరినప్పుడల్లా వీటిని విజిట్ చేస్తుంటారు. మరి మీరు కూడా హైదరాబాద్లోని ఫేమస్ ప్లేసులను చూడాలనుకుంటున్నారా? వీకెండ్లో ఫ్యామిలీతో, ఫ్రెండ్స్‌తో కలిసి సరదాగా ఎంజాయ్ చేయాలనుకుంటున్నారా? అయితే మీకో గుడ్న్యూస్ చెబుతోంది తెలంగాణ టూరిజం. అతి తక్కువ ధరకే ఒక్కరోజులోనే సిటీ మొత్తం కవర్ చేసేలా ప్యాకేజీ తీసుకొచ్చింది. ఆ వివరాలు ఈ స్టోరీలో తెలుసుకుందాం.
తెలంగాణ టూరిజం హైదరాబాద్ సిటీ హెరిటేజ్ కమ్ మ్యూజియం టూర్ పేరుతో ఈ ప్యాకేజీ తీసుకొచ్చింది. ఈ టూర్ ప్రతిరోజూ అందుబాటులో ఉంటుంది. ఈ ప్యాకేజీలో బిర్లా మందిర్, చౌమహాల్లా ప్యాలెస్, చార్మినార్, మక్కా మసీదు, లాడ్ బజార్లో షాపింగ్ సహా ఇతర ప్రదేశాలు ఎంజాయ్ చేయవచ్చు. ఏసీ, నాన్ఏసీ బస్సుల ద్వారా ప్రయాణం ఉంటుంది.
ప్రయాణ వివరాలు:
- ఉదయం 7:30 గంటలకు సికింద్రాబాద్ పరిధిలోని బేగంపేట యాత్రి నివాస్ నుంచి టూర్ ప్రారంభమవుతుంది.
- 7:45 గంటలకు పర్యాటక భవన్ దగ్గర ఎక్కొచ్చు.
- 8:15 గంటలకు బషీర్బాగ్ CRO ఆఫీస్ దగ్గర కూడా బోర్డింగ్ పాయింట్ ఉంటుంది.
- బషీర్బాగ్ నుంచి జర్నీ స్టార్ట్ అయిన తర్వాత ముందుగా బిర్లా మందిర్ ఆలయాన్ని దర్శించుకుంటారు.
- ఆ తర్వాత చౌమహాల్లా ప్యాలెస్, చార్మినార్, మక్కా మసీద్ విజిట్ చేస్తారు.
- అక్కడి నుంచి లాల్ బజార్లో షాపింగ్ చేయడానికి కాస్త టైమ్ ఇస్తారు.
- సాలార్‌జంగ్ మ్యూజియం విజిట్ చేసిన తర్వాత లంచ్ బ్రేక్ ఉంటుంది.
- మధ్యాహ్నం భోజనం తర్వాత నిజాం మ్యూజియం వెళ్తారు. అనంతరం గోల్కొండ కోటను వీక్షించేందుకు అవకాశం కల్పిస్తారు.
- ఆ తర్వాత కుతుబ్ షాహీ టూంబ్స్ విజిట్ చేస్తారు. అనంతరం ఐమ్యాక్స్(ఖైరతాబాద్) మీదుగా చివరగా లుంబినీ పార్క్ దగ్గర రాత్రి 7:30 గంటలకు వదిలేస్తారు. దీంతో మీ వన్ డే ట్రిప్ పూర్తవుతుంది.