చేసిన కాసేపటికే చపాతీలు గట్టిపడుతున్నాయా? - ఇలా చేశారంటే ఎన్ని గంటలైనా సూపర్ సాఫ్ట్!

చపాతీలు పూరీలా ఉబ్బుతూ, సాఫ్ట్​గా రావాలా? - ఈ టిప్స్ పాటిస్తూ చేశారంటే చాలు!

How to Make Soft Chapati Easily at Home :చాలా మంది మార్నింగ్ బ్రేక్​ఫాస్ట్​లో చపాతీలు ప్రిపేర్ చేసుకుంటుంటారు. అలాగే.. ఈ మధ్యకాలంలో కొందరు రాత్రిపూట అన్నానికి బదులు చపాతీలనే తింటున్నారు. కానీ.. అసలు ప్రాబ్లమ్ వచ్చేసరికి చేసినా కొద్దిసేపటికే చపాతీలు గట్టిగా అవుతుంటాయని బాధపడుతుంటారు చాలా మంది. అలాంటి వారు ఈసారి చపాతీలను చేసుకునేటప్పుడు పిండిని కలపడం నుంచి కాల్చడం వరకు ఈ టిప్స్ ఫాలో అవ్వండి. చపాతీలుపొంగడంతో పాటు.. గంటలపాటు కూడా సూపర్​ సాఫ్ట్​గా ఉంటాయని, దూదిలా వస్తాయని అంటున్నారు కుకింగ్ ఎక్స్​ పర్ట్స్. మరి, ఆ టిప్స్ ఏంటో ఈ స్టోరీలో తెలుసుకుందాం.

కావాల్సిన పదార్థాలు :

• గోధుమ పిండి - 2 కప్పులు
• ఉప్పు - రుచికి సరిపడా
• ఆయిల్ - తగినంత
• వాటర్ - సరిపడా

తయారీ విధానం :

• ముందుగా పిండిని ప్రిపేర్ చేసుకోవాలి. చపాతీలు సాఫ్ట్​గా రావాలంటే పిండిని కలుపుకోవడంలోనే అసలైన సీక్రెట్ దాగి ఉంది. ఇందుకోసం ఒక మిక్సింగ్ బౌల్​ తీసుకొని ముందుగా గోధుమపిండి, ఉప్పు వేసుకొని కలుపుకోవాలి.
• ఆ తర్వాత అందులో కొద్దిగా వాటర్ పోసుకొని కేవలం చేతివేళ్లతో మాత్రమే కలుపుకోవాలి. ఇలా పిండి మొత్తానికి నీళ్లు కలిపి.. ఆ తర్వాత అరచేతితో ప్రెస్ చేసుకుంటూ బాగా మిక్స్ చేసుకోవాలి.
• అయితే, పిండిని కలుపుకునేటప్పుడు ఏమైనా డ్రైగా అనిపిస్తే కొద్దిగా వాటర్ చల్లుకొని కలుపుకోవాలి. సరిపడా వాటర్ తీసుకున్నాక.. కనీసం 7 నుంచి 8 నిమిషాల పాటు పిండి ముద్దను సాగదీస్తూ బాగా ప్రెస్ చేస్తూ కలుపుకుంటే పిండి చాలా సాఫ్ట్​గా వస్తుంది.
• ఆవిధంగా పిండిని ప్రిపేర్ చేసుకున్నాక.. అందులో రెండు టీస్పూన్ల ఆయిల్వేసుకొని మరోసారి నూనె పిండిలో చక్కగా కలిసి పోయేలా కలుపుకోవాలి. ఆ తర్వాత పిండిపై మూత ఉంచి 10 నిమిషాల పాటు అలా వదిలేయాలి.
• 10 నిమిషాల తర్వాత కలిపి పెట్టుకున్న పిండిని తీసుకొని మరోసారి రెండు నిమిషాల పాటు చేతితో నెమ్మదిగా కలుపుకోవాలి. అనంతరం ఆ పిండిని మీరు చపాతీలు చేయాలనుకుంటున్న పరిమాణాన్ని బట్టి చిన్న చిన్న ఉండలుగా చేసుకొని అవి ఆరిపోకుండా పైన మూత పెట్టుకోవాలి.

• ఇప్పుడు చపాతీ పీటపై ఒక ఉండను పొడిపిండిలో డిప్ చేసుకొని ముందుగా చపాతీ రోలర్​ సహాయంతో పూరీ కంటే కాస్త ఎక్కువ పరిమాణంలో రోల్ చేసుకోవాలి.
• ఆ విధంగా రోల్ చేసుకున్నాక.. దానిపై ఒక స్పూన్ ఆయిల్ అప్లై చేసుకొని మధ్యలోకి ఫోల్డ్ చేసుకోవాలి. ఆపై మళ్లీ ఆ లేయర్​పై కాస్త నూనె రాసి మరోసారి ఫోల్డ్ చేసుకోవాలి.
• నాలుగు ఫోల్డింగ్స్ వచ్చేలా ట్రైయాంగిల్​ షేప్​లో మడత పెట్టాక.. ఆ చపాతీని మళ్లీ పొడిపిండిలో డిప్ చేసుకొని ముందుగా పిండి అంచులను స్ప్రెడ్ చేసుకుంటూ తర్వాత చపాతీలా రౌండ్ షేప్ వచ్చే వరకు రోల్ చేసుకోవాలి.
• ఇలా చేయడం ద్వారా చపాతీలు బాగా పొంగడమే కాదు.. సాఫ్ట్​గా వస్తాయి. ఈవిధంగా చేసుకునేటప్పుడు పిండి అంటుకున్నట్లు అనిపిస్తే కాస్త పొడిపిండిని చల్లుకుంటూ చపాతీని రోల్ చేసుకోవాలి. అలాగే.. చపాతీని మరీ పల్చగా లేదా మందంగా కాకుండా మీడియం థిక్​నెస్ వచ్చేలా తాల్చుకోవాలి.
• ఇలా చపాతీని చేసుకున్నాక వెంటనే కాల్చుకోవచ్చు. లేదంటే.. దాన్ని ప్లేట్​లోకి తీసుకుని అది ఆరిపోకుండా ఏదైనా క్లాత్ కప్పి అన్ని ఉండలను ప్రిపేర్ చేసుకున్నాకైనా కాల్చుకోవచ్చు.
• ఇక ఇప్పుడు చపాతీలను కాల్చుకోవడానికి స్టౌపై పెనం పెట్టుకొని వేడి చేసుకోవాలి. పెనం బాగా వేడి అయ్యాక.. మీరు ప్రిపేర్ చేసుకున్న చపాతీని వేసి ముందుగా వన్​సైడ్ 10 సెకన్ల పాటు కాలనివ్వాలి.
• ఆపై రెండో వైపు తిప్పి మరో 10 సెకన్ల పాటు కాల్చుకోవాలి. ఈ టైమ్​లో చపాతీలు పొంగుతుంటాయి. అప్పుడు.. చపాతీ రెండు వైపులా నూనె అప్లై చేసుకుంటూ కాల్చుకొని సర్వ్ చేసుకుంటే చాలు.
• ఈవిధంగా కాల్చుకున్న చపాతీలను హాట్​ బాక్స్​లో పెట్టి మూత పూర్తిగా పెట్టకుండా కొద్దిగా గ్యాప్​ ఇచ్చి పెట్టాలి. ఇలా అన్నింటిని చేసుకుని తీసుకుంటే.. గంటలపాటూ "సూపర్​సాఫ్ట్​గా ఉండే చపాతీలు" రెడీ.
• అయితే, ఇక్కడ బరువుతగ్గేందుకు చపాతీ తినే వారు నూనె లేకుండా కాల్చుకోవచ్చు. ఇలా కాల్చుకున్నా మెత్తగానే ఉంటాయనే విషయాన్ని గుర్తుంచుకోవాలి!