Oil Free Milk Gulab jamun Recipe: గులాబ్ జామూన్‌ను చూస్తే చటుక్కున నోట్లో వేసుకోవాలనిపిస్తుంది. ఇక దాన్ని ఒక బౌల్‌లో తీసుకొని.. కొంచెం ఐస్‌క్రీం టచ్‌ ఇచ్చి తింటే సూపర్ యమ్మీ యమ్మీగా ఉంటుంది. అయితే.. గులాబ్ జామున్ చేయాలంటే పిండి, నూనె లేదా నెయ్యి యూజ్ చేయాలి. కానీ.. అవేమి లేకుండా కేవలం పాలు, పంచదారతో ప్రిపేర్ చేసుకోవచ్చు. ఆ ప్రాసెస్ ఏంటో ఈ స్టోరీలో తెలుసుకుందాం.
కావాల్సిన పదార్థాలు:
- పాలు - 1 లీటర్
- పంచదార - 1 కప్పు(సుమారు 200 గ్రాములు)
- నీరు - సరిపడా
- యాలకుల పొడి - 1 టీ స్పూన్
- నిమ్మరసం - 2 టేబుల్ స్పూన్లు
- మైదా పిండి - 1 టేబుల్ స్పూన్
- బొంబాయి రవ్వ - 1 టేబుల్ స్పూన్
- బేకింగ్ పౌడర్ - పావు టీ స్పూన్
ఇది రాజస్థాన్‌ వాళ్ల పాయసం- మన స్టైల్లో వండితే అమృతమే!
తయారీ విధానం:
- ముందుగా స్టవ్ ఆన్ చేసి పాన్ పెట్టి పాలు పోసి వేడి చేసుకోవాలి.
- పాలు ఓ పొంగు వచ్చిన తర్వాత మీగడను కలుపుకుంటూ ఓ 5 నిమిషాల పాటు మరిగించి స్టవ్ ఆఫ్ చేసి పక్కకు పెట్టుకోవాలి.
- ఇప్పుడు ఓ చిన్న గిన్నెలో నిమ్మరసం తీసుకుని అందులోకి రెండు టేబుల్ స్పూన్ల నీరు పోసి కలుపుకోవాలి. ఇప్పుడు ఈ నిమ్మరసాన్ని గోరువెచ్చని పాలల్లో కలుపుకుంటే.. విరిగిపోతాయి.
- ఇప్పుడు ఓ గిన్నె తీసుకుని అందులో స్టెయినర్ పెట్టి దాని మీద కాటన్ క్లాత్ పరిచి పాలు అందులో పోసుకోవాలి. పాలలో వాటర్ అంతా పోయిన తర్వాత మరికొన్ని నీళ్లు పోసుకుని కడిగి.. నీరు లేకుండా ఆ క్లాత్ను గట్టిగా పిండి ఓ అరగంట సేపు పక్కకు పెట్టుకోవాలి.
- ఆ తర్వాత ఆ మిశ్రమాన్ని ఓ ప్లేట్లోకి తీసుకుని పొడిపొడిగా చేసుకోవాలి.
- ఇప్పుడు అందులోకి మైదా పిండి, బొంబాయి రవ్వ, బేకింగ్ పౌడర్ వేసుకుని బాగా కలుపుకోవాలి. ఆ తర్వాత అరచేతితో ప్రెస్ చేస్తూ సాఫ్ట్గా చేసుకోవాలి.
- ఆ తర్వాత వాటిని చిన్న చిన్న ఉండలుగా చేసుకుని నచ్చిన షేప్లో ఒత్తుకోవాలి.
- అంటే గులాబ్జామున్ షేప్ లేదా కాలాజామున్ షేప్ లేదా బుల్లెట్.. ఇలా మీకు నచ్చిన విధంగా చేసి పక్కకు పెట్టుకోవాలి.
స్వీట్ షాప్ స్టైల్లో "బూందీ లడ్డూ" - ఈ టిప్స్తో తయారు చేస్తే అమోఘమైన రుచి!
- ఇప్పుడు స్టవ్ మీద పాన్ పెట్టి 200 గ్రాముల చక్కెరలో మూడు టేబుల్ స్పూన్ల పంచదారను పాన్లో వేసి 2 టీ స్పూన్ల నీరు పోసి కేరమిల్ ప్రిపేర్ చేసుకోవాలి.
- అంటే మంటను మీడియం ఫ్లేమ్లో పెట్టి పంచదార కరిగి గోల్డెన్ బ్రౌన్ కలర్ వచ్చేవరకు కలుపుకోవాలి.
- ఆ తర్వాత అందులోకి 1 కప్పు నీరు(పంచదారను ఏ కొలత ప్రకారం తీసుకుంటే ఆ కొలత ప్రకారం నీరు తీసుకోవాలి) పోసుకోవాలి.
- అనంతరం మిగిలిన చక్కెర వేసి మరో రెండు కప్పుల నీరు పోసి బాగా మరిగించుకోవాలి.
- పంచదార నీరు మరుగుతున్నప్పుడు ముందుగా చేసుకున్న బాల్స్ వేసుకుని ఒక్కొక్కటిగా వేసుకోవాలి.
- ఆ తర్వాత మూతను పూర్తిగా క్లోజ్ చేయకుండా కొద్దిగా ఓపెన్ చేసి పెట్టి మంటను మీడియం ఫ్లేమ్లో ఉంచి 5 నిమిషాలు ఉడికించుకోవాలి.
- ఇప్పుడు వాటిని నెమ్మదిగా ఒక్కొక్కటి కలుపుకుంటూ.. ఈసారి మూతను పూర్తిగా పెట్టి లో ఫ్లేమ్ మీద 20 నిమిషాలు ఉడికించుకోవాలి.
- ఆ తర్వాత ఆ బాల్స్ గోల్డెన్ కలర్ అంటే గులాబ్జామున్ వేయించుకుంటే ఎలా వస్తాయో అలా వస్తాయి.
- ఆ సమయంలో 1 టీ స్పూన్ యాలకుల పొడి వేసుకుని మరో 5 నిమిషాలు ఉడికించుకోవాలి. ఆ తర్వాత స్టవ్ ఆఫ్ చేసి వెంటనే వెడల్పు పాత్రలో వేసుకుని చల్లార్చుకోవాలి.
- అంతే గులాబ్జామున్ కన్నా టేస్టీగా ఉండే మిల్క్ గులాబ్జామున్ రెడీ!
ఇంట్లోనే ఈజీగా "మీఠా సమోసా" - టేస్ట్ చూస్తే ఫిదా అవ్వాల్సిందే!
ఛాయ్ చేసినంత సులువుగా అద్దిరిపోయే "పనీర్ ఖీర్" - ఇలా ప్రిపేర్ చేసుకోండి
