How To Make Palli Chutney : ఉదయాన్నే బ్రేక్ఫాస్ట్లో ఏ టిఫెన్ అయినా పల్లీ చట్నీతో తింటే టేస్ట్ అద్దిరిపోతుంది. హోటల్లో తిన్నారంటే.. ఆ రుచే వేరు! ఇలాంటి రుచిని ఇంట్లో కూడా ఆస్వాదించాలని చాలామంది కోరుకుంటారు. కోరుకోవడమే కాదు.. ఇంట్లో పల్లీ చట్నీ ప్రిపేర్ చేస్తారు. కానీ.. హోటల్ స్టైల్ టేస్ట్ మాత్రం రాదు. మీరు కూడా ఇలాంటి పరిస్థితిలో ఉంటే.. ఇక్కడ చెప్పబోయే టిప్స్ పాడటిస్తూ ఒక్కసారి ట్రై చేయండి. ఇక ఎప్పటికీ ఇదే విధంగా పల్లీ చట్నీ చేసుకుంటారు. అంత బాగుంటుంది దీని టేస్ట్. మరి.. ఆ ప్రాసెస్ ఏంటో ఇప్పుడు చూద్దాం.
హోటల్ స్టైల్ పల్లీ చట్నీకి కావాల్సిన పదార్థాలు:
- పల్లీలు - కప్పు
- ఉల్లిపాయ - ఒకటి
- నూనె - టేబుల్ స్పూన్
- ఎండు మిర్చి - 7
- అల్లం తరుగు - అర టీ స్పూన్
- టమాటా ముక్కలు - పావు కప్పు
- చింతపండు - కొద్దిగా
- వాటర్ - సరిపడా
- వెల్లుల్లి రెబ్బలు - 7
- ఉప్పు - రుచికి తగినంత
- జీలకర్ర - అర టీ స్పూన్
తాళింపు కోసం..
- ఆవాలు, జీలకర్ర - అర టీ స్పూన్
- పచ్చి శనగపప్పు - అర టీ స్పూన్
- నూనె - టేబుల్ స్పూన్
- ఎండు మిర్చి - 1
- కరివేపాకు - 2 రెమ్మలు
తయారీ విధానం:
- ముందుగా సన్నని మంట మీద పల్లీలు వేయించుకోవాలి. ఇవి చల్లారిన తర్వాత పొట్టు తీసి పక్కకు పెట్టుకోవాలి.
- ఇప్పుడు.. అదే గిన్నెలో టేబుల్ స్పూన్ నూనె వేసి ఉల్లిపాయ ముక్కలు వేసి రెండు నిమిషాల పాటు వేయించుకోవాలి.
- తర్వాత.. ఇందులోకి ఎండు మిర్చి, టమాట ముక్కలు, అల్లం తరుగు, జీలకర్ర, వెల్లుల్లి రెబ్బలు వేయాలి. టమాటాలు మగ్గేంత వరకు సన్నని మంట మీద ఉడికించుకొని స్టవ్ ఆఫ్ చేసుకోవాలి.
- ఇప్పుడు మిక్సీ జార్లోకి వేయించి పొట్టు తీసుకున్న పల్లీలు, ఉల్లిపాయ టమాటా మిశ్రమం, రుచికి సరిపడా ఉప్పు, చింతపండు వేసి నీళ్లు కలుపుకుంటూ మెత్తగా పేస్ట్ చేసుకోవాలి.
- తర్వాత తాళింపు కోసం పాన్లో ఆయిల్ వేయాలి. అది వేడైన తర్వాత ఆవాలు, పచ్చి శనగపప్పు, ఎండుమిర్చి, జీలకర్ర, కొద్దిగా కరివేపాకు వేసి వేయించుకుని చట్నీలో కలుపుకోవాలి.
- ఇంతే.. ఎంతో రుచికరమైన హోటల్ స్టైల్ పల్లీ చట్నీ మీ ముందుంటుంది.
- ఈ చట్నీతో పూరి, దోశ, ఇడ్లీ, వడ, మైసూర్ బజ్జీ వంటి ఏ టిఫెన్ తిన్నా టేస్ట్ సూపర్గా ఉంటుంది.
- నచ్చితే మీరు కూడా ఈ స్టైల్లో పల్లీ చట్నీ ట్రై చేయండి.
ఇవి కూడా చదవండి :
గుంటూరు స్టైల్ "స్పైసీ అల్లం చట్నీ" - వేడివేడి అన్నంలో నెయ్యి వేసుకొని తింటే అద్భుతం!
5 నిమిషాల్లో అద్భుతమైన టమాటా నువ్వుల పచ్చడి - వేడి వేడి అన్నంలో అమృతమే!
