రాత్రి అన్నం మిగిలితే రొటీన్ తాలింపేనా? - వెల్లుల్లి కారంతో ఇలా సూపర్ రెసిపీ చేయండి - టేస్ట్​ అద్దిరిపోతుంది!

- కొత్త పద్ధతిలో అన్నం - ఇలా చేసి పెడితే గిన్నె మొత్తం ఖాళీ!

How to Make Garlic Fried Rice :రాత్రివేళ అన్నం మిగిలిపోవడం ప్రతి ఇంట్లోనూ జరుగుతుంది. ఇదే అన్నం పొద్దున తినమంటే ఇంట్లో వాళ్లందరూ ముఖం చిట్లిస్తారు. అందుకే చాలా మంది మహిళలు తాలింపు అన్నంప్రిపేర్​ చేసి పెడుతుంటారు. ఇలా చేస్తేనే అన్నం బయట పడేసే బాధ తప్పుతుంది. అయితే.. ఈ తాలింపు అన్నం ఒక్కోచోట ఒక్కో విధంగా చేస్తుంటారు. ఒకే పద్ధతి తెలిసిన వాళ్లు నిత్యం అదే చేస్తుంటే.. పిల్లలకు బోర్ కొడుతుంది. అందుకే.. మనం ఇప్పుడు వెల్లుల్లి రెబ్బలతో సూపర్ టేస్టీగా ఉండే తాలింపు అన్నం ప్రిపేర్ చేద్దాం.

ఈ కొత్త పద్ధతిలో ప్రిపేర్ చేసే ఫ్రైడ్​ రైస్​తింటే ఎంతో రుచిగా ఉంటుంది. ఈ రెసిపీ ప్రిపేర్ చేయడానికి ఎక్కువ పదార్థాలు కూడా ఏమీ అవసరం లేదు. మరి ఇక లేట్​ చేయకుండా ఎంతో రుచికరమైన వెల్లుల్లి కారం ఫ్రైడ్​ రైస్​తయారు చేయడానికి కావాల్సిన పదార్థాలేంటి? ఎలా తయారు చేయాలి? అన్నది ఇప్పుడు చూద్దాం.

కావాల్సిన పదార్థాలు..

• అన్నం
• వెల్లుల్లి రెబ్బలు-12
• కారం -చెంచా
• నూనె-టేబుల్​స్పూన్​
• జీలకర్ర-అరటీస్పూన్​
• ఆవాలు-అరటీస్పూన్​
• పసుపు-చిటికెడు
• ఉల్లిపాయ-1
• పచ్చిమిర్చి-2
• కరివేపాకు
• ఉప్పు రుచికి సరిపడా
• కొత్తిమీర

తయారీ విధానం..

• ముందుగా వెల్లుల్లి రెబ్బలు పొట్టు తీసుకోండి. అలాగే పచ్చిమిర్చి, ఉల్లిపాయలు సన్నగా కట్​ చేసుకోవాలి.
• తర్వాత రోటిలో వెల్లుల్లి రెబ్బలు, కారం, ఉప్పు వేసి మెత్తగా దంచుకోండి. అయితే.. ఈ వెల్లుల్లి కారం మిశ్రమం సిద్ధం చేస్తున్నప్పుడు నీళ్లు పోసుకోకూడదు.
• ఇప్పుడు వెల్లుల్లి కారం ముద్దని అన్నంలో వేసుకోండి. కారం పూర్తిగా రైస్​కి పట్టేలా చేతితో బాగా కలుపుకోండి.
• ఆ తర్వాత స్టౌ ఆన్​ చేసి పాన్​ పెట్టండి. ఇందులో ఆయిల్​ పోసి వేడి చేయండి.
• ఆయిల్​ వేడెక్కిన తర్వాత ఆవాలు, జీలకర్ర, కరివేపాకు వేసి వేయించండి.
• ఇవి బాగా వేగిన తర్వాత పచ్చిమిర్చి, ఉల్లిపాయ ముక్కలు, పసుపు వేసి ఫ్రై చేయండి.
• ఉల్లిపాయ ముక్కలు వేగిన తర్వాత వెల్లుల్లి కారం అన్నం వేసి బాగా కలపండి.
• అంతే.. ఎంతో రుచికరమైన తాలింపు అన్నం ఇంత ఈజీగా సిద్ధమైపోతుంది. ఈ రెసిపీకి చివర్లో కాస్త కొత్తిమీర చల్లుకుంటే రుచి మరింత బాగుంటుంది.
• దీన్ని పిల్లల నుంచి పెద్దల వరకు ఎంతో ఇష్టంగా తింటారు. ఈ రెసిపీ మీకు నచ్చితే మీరు కూడా మిగిలిపోయిన అన్నంతో ట్రై చేయండి.

ఇవి కూడా చదవండి :