గుంత పొంగనాల కోసం పిండి ఎందుకు గురూ? - వీటితో క్షణాల్లో చేసేయండి - టేస్ట్​ ఎంజాయ్​ చేయండి

- అద్దిరిపోయే ఇన్​స్టంట్​ స్నాక్​​ 'సేమియా ఎగ్​ పొంగనాలు'

Egg Ponganalu Recipe :గుంత పొంగనాలకు ప్రత్యేకంగా పిండి సిద్ధం చేయాలి. కానీ.. సేమియాతో అద్దిరిపోయే పొంగనాలు తయారు చేసుకోవచ్చని మీకు తెలుసా? సేమియాతో ఉప్మా, కేసరి, పాయసంఇలా రకరకాల రెసిపీలు ట్రై చేస్తుంటారు. కానీ.. సేమియాతో ఇన్​స్టంట్​పొంగనాలు ప్రిపేర్​ చేయొచ్చని చాలా మందికి తెలియదు.

ఇంట్లో స్నాక్స్​చేయడానికి ఎక్కువ టైమ్​ లేనప్పుడు చాలా త్వరగా, ఇంకా ఈజీగా "సేమియా ఎగ్​ పొంగనాలు" తయారు చేసుకోవచ్చు. రుచి కూడా ఎంతో బాగుంటాయి. మరి, ఈ ఎగ్​ పొంగనాల తయారీకి కావాల్సిన పదార్థాలేంటి? ఎలా ప్రిపేర్ చేసుకోవాలి? అనే వివరాలు ఈ స్టోరీలో తెలుసుకుందాం.

కావాల్సిన పదార్థాలు..

• సేమియా -కప్పు
• ఉల్లిపాయ తరుగు-అరకప్పు
• ఉప్పు-రుచికి సరిపడా
• కొత్తిమీర తరుగు
• చిల్లీ ఫ్లేక్స్-అరటీస్పూన్
• అరేగానో​-అరటీస్పూన్
• గుడ్లు-3
• పసుపు -చిటికెడు
• కారం-అర టేబుల్​స్పూన్​

తయారీ విధానం..

• ముందుగా స్టౌపై గిన్నె పెట్టి ఇందులో ఒక గ్లాసు నీళ్లు పోసి వేడి చేయండి.
• నీళ్లు మరుగుతున్నప్పుడు కొద్దిగా ఉప్పు, సేమియా వేసి ఉడికించుకోండి.
• సేమియా మెత్తబడిన తర్వాత స్టౌ ఆఫ్​ చేయండి. ఇది పూర్తిగా చల్లారనివ్వాలి.
• ఇప్పుడు ఒక గిన్నెలో ఉల్లిపాయ, కొత్తిమీర తరుగు, చిల్లీ ఫ్లేక్స్, అరేగానో, కారం, రుచికి సరిపడా ఉప్పు, పసుపు వేసుకుని కలుపుకోవాలి.
• మసాలా మిశ్రమం ఉల్లిపాయలకు పట్టిన తర్వాత ఇందులో కోడిగుడ్లు పగలగొట్టి బాగా కలుపుకోవాలి. (ఈ ఇన్​స్టంట్​ స్నాక్..​ పొంగనాలలోకి ఎగ్స్​ వేసుకోవడం వల్ల చాలా టేస్టీగా వస్తాయి.)
• ఇప్పుడు ఈ మిశ్రమంలోకి ఉడికించుకున్న సేమియా వేసుకుని మిక్స్​ చేయాలి.
• ఈ విధంగా మిశ్రమాన్ని ప్రిపేర్ చేసుకున్నాక.. పొంగనాలు ప్రిపేర్ చేసుకోవాలి.
• ఇందుకోసం స్టౌ పై గుంత పొంగనాల పాత్ర పెట్టుకొని ప్రతి గుంతలో కొద్దిగా నూనె వేసుకొని వేడి చేసుకోవాలి.
• వాటిల్లో వేసుకున్న ఆయిల్​ కాస్త వేడి అయ్యాక.. ముందుగా ప్రిపేర్ చేసుకున్న మిశ్రమాన్ని తీసుకుని ఒక్కో దాంట్లో నింపుకుంటూ రావాలి.
• తర్వాత స్టౌ మీడియం ఫ్లేమ్​ మీద పెట్టి.. రెండు వైపులా గోల్డెన్ కలర్ వచ్చేంత వరకు కాల్చుకొని దించుకుంటే సరిపోతుంది.
• అంతే.. ఎంతో రుచికరమైన ఇన్​స్టంట్​ ​" సేమియా ఎగ్​ పొంగనాలు" రెడీ!
• వీటి తయారీకి ఏ పిండి యూజ్​ చేయలేదు కాబట్టి, ఈ ఎగ్​ పొంగనాలు ఆయిల్ కూడా తక్కువగానే పీల్చుకుంటాయి.
• ఎంతో టేస్టీగా ఉండే ఈ పొంగనాలను పిల్లలు, పెద్దలు ఇష్టంగా తింటారు. పొంగనాలను సరికొత్తగా ఫీలవుతారు.
• నచ్చితే మీరు కూడా ఇలా పొంగనాలు ఒకసారి ట్రై చేయండి. ఎంజాయ్ చేయండి.