Thokkalo Pachadi in Telugu:'మొక్కే కదా అని తీసేస్తే పీక కోస్తా'.. ఇదో తెలుగు సినిమా డైలాగ్. ఇప్పుడు ఇదేందుకు చెబుతున్నారు అని ఆలోచిస్తున్నారా..? ఇప్పుడు చెప్పబోయే రెసిపీకి ఈ డైలాగ్ సూపర్గా సెట్ అవుతుందడి అందుకే చెప్పా. మనం రోజు వంట చేసే సమయంలో కాయగూరల తొక్కలను తీసేసి కట్ చేసి వండుకుంటాం. తొక్కే కదా వాటితో ఏం చేసుకుంటాం అని తీసి పారేస్తాం. కానీ ఈ విషయం తెలిస్తే ఇకపై అలాంటి పని చేయరు. వేస్ట్గా పడేసే సొరకాయ తొక్కతో సూపర్ టేస్టీ పచ్చడి చేసుకోవచ్చని అంటున్నారు. అలాంటి తొక్కలో పచ్చడి ఎలా చేయాలో తెలుసుకుని మీరు ట్రై చేసేయండి.
కావాల్సిన పదార్థాలు
- 300 గ్రాముల సొరకాయ తొక్కలు, మధ్యలో భాగం
- 4 టేబుల్ స్పూన్ల నూనె
- 3 టమాటాలు
- 12-15 పచ్చి మిరపకాయలు
- ఒక టేబుల్ స్పూన్ శనగపప్పు
- ఒక టీ స్పూన్ జీలకర్ర
- 10-12 వెల్లులి
- కొత్తిమీర తరుగు
- రుచికి సరిపడా ఉప్పు
- గోళీ సైజు చింతపండు
తాళింపు విధానం
- 3 టేబుల్ స్పూన్ల నూనె
- ఒక టీ స్పూన్ జీలకర్ర
- ఆర టీ స్పూన్ ఆవాలు
- ఒక టీ స్పూన్ శనగపప్పు
- ఒక టీ స్పూన్ మినపప్పు
- పావు టీ స్పూన్ ఇంగువా
- ఒక ఎండు మిరపకాయ
- 2 రెబ్బల కరివేపాకు
- పావు టీ స్పూన్ పసుపు
తయారీ విధానం
- ముందుగా స్టౌ ఆన్ చేసి ఓ కడాయిలో నూనె పోసి వేడి చేసుకోవాలి.
- ఆ తర్వాత శనగపప్పు వేసి ఎర్రగా వేపుకొని.. అనంతరం జీలకర్ర వేసి చిటపటమనిపించాలి.
- ఇప్పుడు పచ్చిమిరపకాయలు వేసి మెత్తబడిన తర్వాత టమాటా ముక్కలు, చింతపండు వేసి కాసేపు ఉడికించుకోవాలి.
- ఈ మిశ్రమాన్ని మిక్సీ జార్లోకి తీసుకుని మెత్తగా గ్రైండ్ చేసుకోవాలి.
- మరోవైపు అదే కడాయిలో నూనె వేడి చేసి వెల్లుల్లి రెబ్బలు, సొరకాయ తొక్క, మధ్యలో ఉండే భాగం వేసి మెత్తగా మగ్గించుకోవాలి.
- ఆ తర్వాత ఈ మిశ్రమాన్ని అదే మిక్సీ జార్లో వేసి కాస్త ఉప్పు వేసి కచ్చాపచ్చాగానే గ్రైండ్ చేసుకోవాలి.
తాళింపు విధానం
- తాళింపు కోసం స్టౌ ఆన్ చేసి నూనె పోసి వేడి చేసుకోవాలి.
- ఆ తర్వాత ఇందులోనే జీలకర్ర, ఆవాలు, శనగపప్పు, మినపప్పు, పసుపు, ఇంగువా, ఎండు మిరపకాయ, కరివేపాకు వేసి వేయించుకోవాలి.
- ఇవన్నీ వేగాక గ్రైండ్ చేసుకున్న పచ్చడి మిశ్రమాన్ని ఇందులో వేసి బాగా కలపాలి.
- ఇక చివర్లో కొత్తిమీర తరుగు వేసి కలిపి దింపేసుకుంటే అద్దిరిపోయే తొక్కలో పచ్చడి రెడీ!
8 నిమిషాల్లోనే ఘుమఘుమలాడే "చికెన్ బిర్యానీ" - నమ్మలేని నిజం - ఆ సీక్రెట్ ఇదే!
చలికాలంలో మోకాళ్లు, కీళ్ల నొప్పులను తగ్గించే సూపర్ లడ్డూ - ఇలా చేసుకుంటే టేస్ట్ అదుర్స్!
