బ్రిటన్ ఎన్నికల్లో తెలుగు వ్యక్తులు ఓటమిపాలైయ్యారు. అంతర్జాతీయ వక్తగా, రచయిత తెలంగాణ సిద్ది పేట జిల్లాకు చెందిన ఉదయ్‌ నాగరాజు లేబర్ పార్టీ తరఫున పోటీ చేసి ఈ ఎన్నికల్లో ఓడిపోయారు. కన్జర్వేటివ్ పార్టీ నుంచి పోటీ చేసిన మరో తెలుగు సంతతి వ్యక్తి చంద్ర కన్నెగంటి కూడా ఓటిమిపాలయ్యారు.
UK సార్వత్రిక ఎన్నికల ఫలితాలు- ఓటమిని అంగీకరించిన రిషి సునాక్- తెలుగు వ్యక్తుల ఓటమి - UK Election Results 2024 - UK ELECTION RESULTS 2024
UK Election Results 2024 (Associated Press)
Published : Jul 5, 2024, 7:18 AM IST
|Updated : Jul 5, 2024, 12:11 PM IST
UK Election Results 2024: బ్రిటన్ సార్వత్రిక ఎన్నికల్లో ఎగ్జిల్ పోల్స్ అంచనాల ప్రకారం లేబర్ పార్టీ గెలుపు దిశగా ముందుకు వెళ్తుంది. ఇప్పటి వరకు వెలువడిన ప్రాథమిక ఫలితాల ప్రకారం లేబర్ పార్టీ ముందజలో ఉంది. ఈ ఎన్నికల్లో లేబర్ పార్టీకి 410 సీట్లు, కన్జర్వేటివ్ పార్టీకి 131 సీట్లు వస్తాయమని ఎగ్జిట్ పోల్స్ అంచనా వేశాయి. ఏ పార్టీ అయినా మెజారిటీ సాధించాలంటే 326 సీట్లు అవసరం ఉంటుంది.
LIVE FEED
బ్రిటన్లో ప్రభుత్వాన్ని ఏర్పాటు చేసేందుకు కావాల్సిన మెజారిటీ మార్క్ను లేబర్ పార్టీ అధిగమించింది. మొత్తం 650 స్థానాల్లో 326 చోట్ల విజయం సాధించింది.
- యూకే పార్లమెంటు ఎన్నికల్లో లేబర్ పార్టీ విజయం
- ఎన్నికల్లో ఓటమిని అంగీకరించిన ప్రధాని రిషి సునాక్
- లేబర్ పార్టీ నేత కీర్ స్టార్మర్‌కు ఫోన్‌ చేసి శుభాకాంక్షలు తెలిపిన రిషి సునాక్
- కన్జర్వేటివ్ పార్టీ ఓటమికి నేనే పూర్తి బాధ్యత వహిస్తా: రిషి సునాక్
- నేడే అధికార మార్పిడి జరుగుతుందని తెలిపిన రిషి సునాక్
- ఇవాళ శాంతియుత పద్ధతిలో అధికార మార్పిడి జరుగుతుంది: రిషి సునాక్
- పార్టీ విజయానికి నేతలు అవిశ్రాంతంగా కృషిచేశారు : రిషి సునాక్
కన్జర్వేటివ్ పార్టీ నేత, భారత సంతతికి చెందిన ప్రధాని రిషి సునాక్ తన ప్రత్యర్థిపై విజయం సాధించారు. మరోవైపు రిషి సునాక్ కేబినెట్ మంత్రులైన గ్రాంట్ షాప్స్, అలెక్స్ చాల్క్ ఈ ఎన్నికల్లో ఓడిపోయారు.
లేబర్ పార్టీ ఇప్పటి వరకు 184సీట్లు కైవసం చేసుకోగా, రిషి సునాక్కు చెందిన కన్జర్వేటివ్ పార్టీ కేవలం 32 స్థానాల్లో గెలుపొందింది. లిబరల్‌ డెమోక్రాట్స్ 23, స్కాటిష్ నేషనల్ పార్టీ 3, ఇతరులు 11 స్థానాల్లో విజయం సాధించాయి. మొత్తం 650 సీట్లున్న బ్రిటన్ పార్లమెంట్లో లేబర్ పార్టీ 130కి పైగా స్థానాల్లో ముందంజలో ఉంది. రిషీ సునాక్ కన్జర్వేటివ్ పార్టీ 30 చోట్ల లీడింగ్లో కొనసాగుతోంది.
ఎగ్జిట్ పోల్స్ అంచనాల ప్రకారమే ఈ ఎన్నికల్లో తమ పార్టీ విజయం సాధిస్తుందని లేబర్ పార్టీ నేత కీర్ స్టార్మర్‌ అభిప్రాయపడ్డారు. బ్రిటన్ ప్రజలు మార్పు కోరుకున్నారని చెప్పారు. తమ పార్టీపై నమ్మకం ఉంచినందుకు ఓటర్లకు ధన్యవాదాలు తెలిపారు.
బ్రిటన్ సార్వత్రిక ఎన్నికల్లో లేబర్ పార్టీ తొలి విజయాన్ని నమోదు చేసుకుంది. సుందర్ల్యాండ్లో 18,847 ఓట్ల మెజారిటీతో లేబర్ పార్టీ గెలుపొందింది. కన్జర్వేటివ్ పార్టీ మూడో స్థానానికి పరిమితమైంది.
Last Updated : Jul 5, 2024, 12:11 PM IST