Best Oils for Double Hair Growth: ప్రస్తుత కాలంలో చాలా మంది అందంగా కనిపించాలని తాపత్రయపడుతుంటారు. అయితే అందం విషయంలో జుట్టు కూడా కీలకమైనదే. కానీ ఈరోజుల్లో మారిన జీవనశైలి కారణంగా చాలా మంది చిన్న వయసులోనే వివిధ రకాల జుట్టు సమస్యలను ఎదుర్కొంటున్నారు. ముఖ్యంగా జుట్టు రాలిపోవడం, పొడిబారిపోవడం, నెరిసిపోవడం, చుండ్రు.. ఇలా పలు రకాల సమస్యలతో ఇబ్బంది పడుతున్నారు. ఈ సమస్యల నుంచి బయటపడేందుకు మార్కెట్లో దొరికే వివిధ రకాల హెయిర్ కేర్ ఉత్పత్తులు, ఆయిల్స్ను యూజ్ చేస్తుంటారు. ఇవన్నీ ట్రై చేసినా ఫలితం అంతంతమాత్రమే అని బాధపడుతుంటారు. అలాంటి వారు ఈ సహజ నూనెలు ట్రై చేస్తే జుట్టు పెరగడాన్ని ఎవరూ ఆపలేరని అంటున్నారు నిపుణులు. ఇంతకీ ఆ నూనెలేంటో ఈ స్టోరీలో చూద్దాం..
కలోంజి నూనె:కలోంజి నూనె ఆరోగ్యపరంగానే కాకుండా జుట్టు పెరగడంలో కూడా సాయపడుతుందని నిపుణులు అంటున్నారు. ఇది ఎలా చేయాలంటే..
- ముందుగా ఒ కప్పు కొబ్బరి నూనె లేదా ఆలివ్ నూనెను మంటపై వేడి చేయాలి.
- అందులో ఒక చెంచా కలోంజి గింజలు వేసి ఉడికించాలి.
- తర్వాత ఈ నూనెను వడకట్టి సీసాలో స్టోర్ చేసుకోవాలి.
- ఈ నూనె జుట్టుకు జింక్, ఐరన్, పొటాషియం వంటి విటమిన్లు, ఖనిజాలను అందిస్తుంది. పెరగుదలను ప్రోత్సహిస్తుంది.
జుట్టు రాలడం నుంచి చుండ్రు వరకు - ఉల్లి నూనెతో అన్నీ పరార్! - Onion Oil Benefits
బాదం నూనె:పొడవాటి, మందమైన జుట్టు కోసం వారానికి రెండు సార్లు బాదం నూనెతో తలకు మసాజ్ చేయవచ్చని నిపుణులు అంటున్నారు. ఇలా చేయడం వల్ల రక్త ప్రసరణ మెరుగుపడుతుందని తద్వారా జుట్టు పెరుగుదల బాగుంటుందని అంటున్నారు. అలాగే బాదం నూనెతో జుట్టు మూలాలు బలంగా మారుతాయి. జుట్టు మృదువుగా మారుతుంది. జుట్టుకు సంబంధించిన సమస్యలు పోతాయి. చివర్లు చీలిపోవడంతో పాటు జుట్టు చిట్లడమనే సమస్య నుంచి ఉపశమనం లభిస్తుంది.
2015లో "ఇంటర్నేషనల్ జర్నల్ ఆఫ్ డెర్మటాలజీ" లో ప్రచురితమైన అధ్యయనం ప్రకారం బాదం నూనె జుట్టు పెరుగుదలను ప్రోత్సహిస్తుందని, జుట్టు ధృడంగా మారడంలో సాయపడుతుందని కనుగొన్నారు. ఈ పరిశోధనలో న్యూయార్క్ నగరంలోని మౌంట్ సినాయి స్కూల్ ఆఫ్ మెడిసిన్ లో చర్మవ్యాధి విభాగంలోని ప్రొఫెసర్ డాక్టర్ జాన్ డబ్ల్యూ. హా పాల్గొన్నారు.