Vishwambhara Cast :మెగాస్టార్ చిరంజీవి లీడ్ రోల్లో డైరెక్టర్ వశిష్ఠ తెరకెక్కిస్తున్న లేటెస్ట్ మూవీ 'విశ్వంభర'. సోషియో ఫాంటసీగా రూపొందుతున్న ఈ మూవీ ప్రస్తుతం శరవేగంగా జరుపుకుంటోంది. ఇప్పటికే ఈ సినిమాలో కోలీవుడ్ బ్యూటీ త్రిష నటిస్తుండగా, తాజాగా ఈ లిస్ట్లోకి మరో ఇద్దరు హీరోయిన్లు కూడా చేరుకున్నారు. ఇషా చావ్లా, సురభి ఈ సినిమాలో అవకాశాన్ని సొంతం చేసుకున్నట్లు సమచారం. వీరిపై ఇప్పటికే కొన్ని సన్నివేశాలు తెరకెక్కించినట్టు తెలుస్తోంది. అయితే వీరందరితో పాటు మరికొందరు కథానాయికలూ కూడా ఈ సినిమాలో కనిపించే అవకాశాలు ఉన్నట్టు సమాచారం.
మరోవైపు ఈ సినిమా కోసం జిమ్లో చెమటోడుస్తున్నారు చిరు. మునుపటికంటచే మరింత ఫిట్‌గా కనిపించాలని ఆయన తీవ్రంగా కసరత్తులు చేస్తున్నారు. ఫిట్నెస్ ట్రైనర్ సూచనల మేరకు వీలుచిక్కినప్పుడల్లా చెమటోడుస్తున్నారు. తాజాగా దీనికి సంబంధించిన వీడియోను ఆయన సోషల్ మీడియా వేదికగా అభిమానులతో పంచుకున్నారు. ఆ వీడియో నెట్టింట తెగ ట్రెండ్ అయ్యింది .దీంతో పాటు ఇటీవలే సెట్స్లోకి త్రిష అడుగుపెట్టిన వీడియో కూడా సోషల్ మీడియాలో తెగ వైరల్ అయ్యింది. అయితే ఇటీవలే బ్రేక్ తీసుకున్న చిరు తదుపరి షెడ్యుల్ కోసం సెట్స్లోకి రానున్నారట. ఈ నెల 26 నుంచి హైదరాబాద్‌లో మరో షెడ్యూల్‌ మొదలవుతుంది.
Chiranjeevi Socio Fantasy Movies : ఇక చిరు ఈ తరహా జానర్ సినిమాల్లో నటించడం ఇదేం తొలిసారి కాదు. ఆయన ఇది వరకే 'జగదేక వీరుడు అతిలోక సుందరి','అంజి' లాంటి సినిమాల్లో నటించి ప్రేక్షకులను మెప్పించారు. ఇప్పుడు ఈ సినిమాతో తనను మరింత కొత్తగా చూపించేందుకు మూవీ మేకర్స్ ప్రయత్నిస్తున్నారు.