This Week OTT Movies : వీకెండ్ దగ్గరపడింది. ఈ నేపథ్యంలో ఓటీటీలో ఈ వీకెండ్ చూడాల్సిన చిత్రాలు, వెబ్ సిరీస్ల గురించి ఇక్కడ వివరాలు తీసుకొచ్చాం. ప్రైమ్ వీడియో, హాట్ స్టార్, నెట్‌ఫ్లిక్స్, ఆహా వీడియో, ఈటీవీ విన్, సోనీలివ్, జీ5 ప్లాట్ఫామ్లోకి ఇప్పటికే సినిమాలు వచ్చేయగా, మరికొన్ని శుక్ర, శనివారాల్లో రానున్నాయి. ఇంతకీ అవేంటో ఇక్కడ తెలుసుకుందాం.
మా నాన్న సూపర్ హీరో - టాలీవుడ్ హీరో సుధీర్ బాబు నటించిన మా నాన్న సూపర్ హీరో సినిమా ఇప్పటికే ప్రైమ్ వీడియోలో స్ట్రీమింగ్ అవుతోంది. శుక్రవారం (నవంబర్ 15) నుంచి జీ5 ఓటీటీలోకి కూడా రానుంది. అంటే ఈ చిత్రం రెండు ఓటీటీల్లో అందుబాటులో ఉండనుందన మాట.
అమెజాన్‌ ప్రైమ్‌లోఇంకా ఇన్‌ కోల్డ్‌ వాటర్‌ (వెబ్‌సిరీస్‌) నవంబరు 12, క్రాస్‌ (వెబ్‌సిరీస్‌) నవంబరు 14 నుంచి స్ట్రీమింగ్ కానున్నాయి.
డెడ్‌పూల్ అండ్ వోల్వొరైన్ - హాలీవుడ్ బ్లాక్ బస్టర్ యాక్షన్ థ్రిల్లర్ చిత్రం డెడ్‌పూల్ అండ్ వోల్వొరైన్ ఓటీటీలోకి వచ్చేసింది. ఇంగ్లిష్ తోపాటు తెలుగులోనూ డిస్నీ ప్లస్ హాట్‌స్టార్ లో స్ట్రీమింగ్ అవుతోంది.
డిస్నీ హాట్ స్టార్లో ఆన్‌ ఆల్మోస్ట్‌ క్రిస్మస్‌ స్టోరీ (యానిమేషన్‌) కూడా నవంబరు 15 నుంచి అందుబాటులో ఉండనుంది.
రేవు - థియేటర్లలో విడుదలైన మూడు నెలల తర్వాత ఆహా ఓటీటీలోకి వచ్చింది రేవు. నవంబర్ 14 నుంచి ఇది స్ట్రీమింగ్ అవుతోంది. రివేంజ్ థ్రిల్లర్తో ఇది తెరకెక్కింది. కొందరు మత్స్యకారుల చుట్టూ తిరిగే కథ ఇది.
అన్స్టాపబుల్ అల్లు అర్జున్ - అన్స్టాపబుల్ సీజన్ 4లో భాగంగా ఈ శుక్రవారం నవంబర్ 15 నుంచి ఐకాన్ స్టార్ అల్లు అర్జున్తో బాలకృష్ణ చేసిన సందడి ఈ షోలో చూడొచ్చు. శుక్రవారం రాత్రి 8.30 గంటలకు ఈ షో స్ట్రీమింగ్ అవుతుంది.
ఉషా పరిణయం - ఈటీవీ విన్ ఓటీటీలోకి ఈ వారం వచ్చిన సినిమా ఉషా పరిణయం. ప్రముఖ దర్శకుడు విజయ్ భాస్కర్ తెరకెక్కించారు. విజయ్ భాస్కర్ తనయుడు శ్రీ కమల్ హీరోగా నటించారు. థియేటర్లలో విడుదలైన మూడున్నర నెలల తర్వాత ఈ మూవీ ఓటీటీలోకి రానుంది. నవంబర్ 14 నుంచి ఇది స్ట్రీమింగ్ అవుతోంది.