Satyam Rajesh Latest Interview :క‌మెడియ‌న్గా కెరీర్ ప్రారంభించి ఇప్పుడు సీరియస్ సినిమాల్లోనూ అదరగొడుతున్నారు టాలీవుడ్ నటుడు సత్యం రాజేశ్. కెరీర్ తొలినాళ్లలో చిన్న పాత్రలు చేసుకుంటూ ఉన్న ఈయన ఇప్పుడు హీరోగానూ పలు చిత్రాల్లో మెరిశారు. క్యారెక్టర్ ఏదైనా సరే అందులో ఒదిగిపోయి నటిస్తారు. ఇటీవల వచ్చిన 'పొలిమేర-2' బాక్సాఫీస్ వద్ద మంచి సక్సెస్ సాధించింది. దీంతో ఆయన ఓవర్నైట్ స్టార్ అయిపోయారు.
వాస్తవానికి ఆయన నటుడిగా విభిన్న పాత్రలు చేసినప్పటికీ క‌మెడియ‌న్గానే క్లిక్ అయ్యారు. దీంతో ఇంతకాలం ఆయనకు ఇదే త‌ర‌హా పాత్రలు వచ్చాయి. కెరీర్ పరంగానూ మంచి జోష్లో ఉండటం వల్ల రాజేశ్ కూడా ఇదే జానర్లో ఉండిపోయారు. కానీ ఇప్పుడు ఆ సేఫ్ జోన్ నుంచి బ‌య‌ట‌కి వచ్చి సీరియస్ సినిమాలు చేస్తున్నారు. 'క్ష‌ణం' అనే సినిమాలో పోలీస్గా కనిపించి మంచి గుర్తింపు తెచ్చుకున్నారు. ఈ సినిమా ఆయన కెరీర్ను ఓ మలుపు తిప్పింది. దీంతో వరుస ఆఫర్లు ఆయన్ను వరించాయి.
అందులోని పోలీస్ పాత్ర సక్సెస్ అవ్వ‌డం వల్ల మ‌ళ్లీ పోలీస్ పాత్ర‌లకు సంబంధించిన ఆఫర్లు వ‌చ్చాయ‌ట. దీంతో ఆయన దాదాపు 50 సినిమాలు వదులుకున్నారట. కామెడీగా పోలీసు పాత్ర‌ల‌ను కాకుండా కాస్త సీరియ‌స్గా ఉండే రోల్స్లో చేయాలనుకున్నారట. ప్ర‌కాష్ రాజ్, ర‌ఘువ‌ర‌న్లా డిఫ‌రెంట్ క్యారెక్ట‌ర్లు చేయాల‌ని ఆయన మససులో ఉన్న కోరికను బయటపెట్టారు.
ఇప్పటి వరకు రాజేశ్ ఎన్నో కామెడీ రోల్స్లో కనిపించారు. అయితే అవ‌కాశం వ‌చ్చిన‌ప్పుడల్లా తనలోని సీరియస్నెస్ను బయటపెట్టారు. అయినప్పటికీ డైరెక్టర్లు ఆయనలోని క‌మెడియ‌న్ను చూసారు త‌ప్ప సీరియస్ యాంగిల్ను అంతగా పరిగణించలేదు. కానీ తనలోనూ ఓ సీరియస్ నటుడు ఉన్నారని పోలిమేర సినిమాతో నిరూపితమైంది. తొలి భాగంలానే రొండో పార్ట్లోనూ తన నట విశ్వరూపం చూపించి ప్రేక్షకులను ఆకట్టుకున్నారు. ఇప్పుడు ఆయనతో మేకర్స్ పొలిమేర-3 తీసేందుకు ప్లాన్ చేస్తున్నారు. అది కూడా పాన్ ఇండియా రేంజ్లో ఉంటుంద‌ని టాక్ నడుస్తోంది. దీంతో ఇప్పుడు మూడో భాగంపై ఆడియెన్స్లో అంచనాలు అమాంతం పెరిగిపోయాయి.
హాస్యనటుల్లో ఈ కమెడియన్స్ వేరయా..
