Rocking Star Yash 19 toxic shooting : రాకింగ్ స్టార్యశ్‌ హీరోగా నటిస్తున్న లేటెస్ట్ మూవీ టాక్సిక్ అనౌన్స్ చేసి చాలా రోజుల అవుతున్న సంగతి తెలిసిందే. దీనికి సంబంధించిన అప్డేట్ కోసం అభిమానులు ఎంతో ఆసక్తిగా ఎదురుచూస్తున్నారు. అయితే ఈ చిత్రానికి సంబంధించిన ఏప్డేట్ రాకపోయినా సోషల్ మీడియాలో మాత్రం ఈ చిత్రం ట్రెండింగ్‌లోనే ఉంటుంది. రీసెంట్గా ఈ చిత్రంలోని హీరోయిన్ల గురించి పలు వార్తలు ప్రచారం అయిన సంగతి తెలిసిందే. అయితే తాజాగా ఈ మూవీ షూటింగ్కు సంబంధించిన ఓ అప్డేట్ సోషల్ మీడియాలో చక్కర్లు కొడుతోంది.
ఈ మధ్యే ఈ మూవీ షూటింగ్ ప్రారంభించారని తెలిసింది. ప్రస్తుతం కర్ణాటకలో శరవేగంగా జరుగుతోన్నట్లు సమాచారం అందింది. ఈ చిత్రాన్ని కూడా కేజీయఫ్ తరహాలో రెండు భాగాలుగా రిలీజ్ చేయాలని భావిస్తున్నారట. త్వరలోనే దీనికి సంబంధించిన అఫీషియల్ అనౌన్స్మెంట్ రానుంది.
ఇక టాక్సిక్ విషయానికి వస్తే - భారతదేశంలోని తీర ప్రాంతాల్లో జరిగే అక్రమ మాదక ద్రవ్యాల రవాణా ఆధారంగా 'టాక్సిక్' చిత్రం తెరకెక్కనున్నట్లు ఊహాగానాలు నడుస్తున్నాయి. అలాగే ఈ సినిమా ద్వారా బాలీవుడ్ బ్యూటీ కరీనా కపూర్ కన్నడ సినీ పరిశ్రమలో అడుగుపెట్టనున్నట్లు కూడా రూమర్స్ వస్తున్నాయి. వీటితో పాటు కియారా అద్వానీ, శ్రుతి హాసన్ కూడా యశ్ సరసన హీరోయిన్లుగా నటిస్తున్నట్లు సమాచారం. అయితే వీటన్నింటి గురించీ 'టాక్సిక్' చిత్ర యూనిట్ ఇప్పటి వరకూ ఎలాంటి సమాచారం ఇవ్వలేదు. ఇందులో ఏది నిజమో, ఏది పుకారో తెలియాలంటే 'టాక్సిక్' యూనిట్ నుంచి అధికారిక అప్డేట్ కోసం వేచి చూడాల్సిందే.