NTR Devara Movie New Poster : యంగ్ టైగర్ ఎన్టీఆర్ హీరోగా అత్యంత భారీ బడ్జెట్తో రానున్న చిత్రం 'దేవర'. ఈ సినిమాను రెండు భాగాలుగా తీసుకువస్తున్నారు దర్శకుడు కొరటాల శివ. మొదటి భాగం సెప్టెంబరు 27న వరల్డ్ వైడ్గా రిలీజ్ చేస్తున్నారు. అంటే సరిగ్గా ఇవాళ(ఆగస్ట్ 27) నుంచి వచ్చే నెల 27వరకు నెల రోజుల సమయం మాత్రమే ఉంది. దీంతో మూవీటీమ్ ఓ కొత్త పోస్టర్ను విడుదల చేసింది.
అయితే ఈ సినిమాలో తారక్ ద్విపాత్రాభినయం చేస్తున్నారని మొదటి నుంచి ప్రచారం సాగిన సంగతి తెలిసిందే. ఎన్టీఆర్ దేవ్‌-వరగా తండ్రి, కొడుకులుగా కనిపిస్తారంటూ గుసగుసలు వినిపించాయి. కానీ దీనిపై అధికార ప్రకటన రాలేదు. ఈ క్రమంలోనే ఇప్పుడు తాజాగా తారక్ డబుల్ షేడ్ను పోస్టర్లో రివీల్ చేసింది. 'ది ఫేసస్ ఆఫ్ ఫియర్' అనే క్యాప్షన్తో పోస్టర్ను విడుదల చేసింది. "మరో నెలలో అతడి రాక ప్రపంచాన్ని కదిలిస్తుంది, సెప్టెంబర్ 27న థియేటర్లలో అతడి మెజెస్టిక్ మ్యాడ్నెస్ను చూసేందుకు సిద్ధంగా ఉండంది" అంటూ రాసుకొచ్చింది. ప్రస్తుతం ఈ పోస్టర్ సోషల్ మీడియాలో ఫుల్ ట్రెండింగ్ అవుతోంది. ఈ పోస్టర్లో తారక్ రెండు డిఫరెంట్ లుక్స్లో కనిపించారు. దీంతో దేవర సినిమాలో ఎన్టీఆర్ డ్యుయెల్ రోల్ చేస్తున్నారా? అనే సందేహాలు మరోసారి షురూ అయ్యాయి.
'దేవర' ప్రీమియర్ ఎప్పుడంటే?- 'దేవర' మూవీ ప్రీమియర్ షో టైమ్ గురించి సోషల్ మీడియాలో వార్తలు వస్తున్నాయి. ఈ సారి తొలి షో అర్ధ రాత్రి 1:08 గంటలకు ప్రారంభం కానున్నట్లు ఆకాశవాణి ఎక్స్ అకౌంట్ పోస్ట్ చేసింది. దీనిపై మేకర్స్ నుంచి కూడా అధికారిక ప్రకటన త్వరలోనే రానున్నట్లు తెలిపింది.