NBK Unstoppable Season 4 Allu Arjun Episode :ప్రతి ఎపిసోడ్లో కొత్తదనాన్ని చూపిస్తూ అతిథులతో సందడి చేస్తుంటారు నటసింహంనందమూరి బాలకృష్ణ. ఆయన హోస్ట్ చేసే 'అన్స్టాపబుల్' ప్రోగ్రామ్కు ఆడియెన్స్లో మంచి క్రేజ్ ఉంది. ఇప్పటికే మూడు సీజన్లు పూర్తి చేసుకున్న ఈ షో ప్రస్తుతం జరుగుతున్న నాలుగో సీజన్తోనూ సక్సెస్ఫుల్గా రన్ అవుతోంది. ఈ క్రమంలోనే ఇప్పుడు నెట్టింట ఓ రేర్ రికార్డు బ్రేక్ చేసి తెగ ట్రెండ్ అవుతోంది. అదేంటంటే?
ఈ కాంబో అదర్స్!
రీసెంట్గా ఈ షోకు ఐకాన్ స్టార్ అల్లు అర్జున్ స్పెషల్ గెస్ట్గా వచ్చారు. ఇక బన్నీతో పాటు తన తల్లి నిర్మల అలాగే కుమారుడు అయాన్, కుమార్తె అర్హ కూడా ఈ ప్రోగ్రామ్కు వచ్చి సందడి చేశారు. ఎంతో ఎంటర్టైనింగ్గా సాగిన ఈ ఎపిసోడ్లో బన్నీ చాలా ఎనర్జిటిక్గా మాట్లాడారు. బాలయ్యతో తన సినిమాల గురించి అలాగే కొన్ని పర్సనల్ ముచ్చట్లు కూడా చెప్పుకున్నారు.
ఇదిలా ఉండగా, ఎక్కువ నిడివి కారణంలా ఈ ఎపిసోడ్ను రెండు భాగాలుగా రిలీజ్ చేసింది ఆహా టీమ్. అయితే అందులోని రెండో పార్ట్ మాత్రం తాజాగా ఓ రికార్డును బ్రేక్ చేసినట్లు తెలుస్తోంది. బన్నీ తన ఇద్దరు పిల్లలతో చేసిన అల్లరితో చాలా ఎంటర్టైనింగ్గా సాగిన ఆ ఎపిసోడ్కి రికార్డు స్థాయి వ్యూవ్స్ వచ్చాయట. ఇప్పటి వరకు అన్స్టాపబుల్ చరిత్రలో ఏ ఎపిసోడ్కి రానన్ని వ్యూస్ ఈ వీడియోకు వచ్చాయని ఆహా ప్రకటించింది. బాలయ్య టైమింగ్, అలాగే అల్లు అర్జున్ క్రేజ్, అర్హ- అయాన్ల అల్లరితో ఈ ఎపిసోడ్కు అన్ని వ్యూస్ వచ్చాయని పేర్కొంది.