Davudi Song Devara : మ్యాన్ ఆఫ్ మాసెస్ జూనియర్ ఎన్టీఆర్ 'దేవర' సినిమాతో గతేడాది మంచి విజయం సొంతం చేసుకున్నారు. కొరటాల శివ తెరకెక్కించిన ఈ సినిమా వరల్డ్వైడ్గా రూ.500+ కోట్లు వసూల్ చేసి బ్లాక్ బస్టర్ హిట్గా నిలిచింది. ఈ సినిమా మ్యూజికల్ హిట్గానూ నిలిచింది. అనిరుధ్ రవిచంద్రన్ అందించిన సంగీతం ప్రేక్షకులను ఉర్రూతలూగించింది.
తాజాగా ఈ సినిమాలోని 'దావూదీ' పాటకు స్కూల్ చిన్నారులు డ్యాన్స్ చేశారు. ఈ వీడియో సోషల్ మీడియాలో తెగ వైరల్గా మారింది. అందులో ఓ బుడ్డోడు తన డ్యాన్స్తో ఎన్టీఆర్ను గుర్తుచేశాడు. అచ్చం ఎన్టీఆర్లాగానే స్టెప్పులేస్తూ ఆకట్టుకున్నాడు. కుర్రాడి డ్యాన్స్కు నెటిజన్లు ఫిదా అవుతున్నారు. ఇక ఈ వీడియో ట్రెండ్ అవ్వడం వల్ల ఎన్టీఆర్ దాకా వెళ్లింది. 'అద్భుతంగా చేశారు' అంటూ హీరో స్వయంగా ఆయన అకౌంట్ నుంచి కామెంట్ చేశారు. ఇక ఇదే వీడియోకు మ్యూజిక్ డైరెక్టర్ అనిరుధ్ కూడా కామెంట్ చేయడం విశేషం. చిన్న పిల్లలు చేసిన ఈ డ్యాన్స్ రీల్కు సుమారు 25 లక్షల లైక్స్ వచ్చాయి.
