రెహమాన్‌ విడాకులతో లింక్‌ రూమర్స్​ - మరోసారి స్పందించిన మోహినిదే

ఏఆర్‌ రెహమాన్‌ దంపతుల విడాకులతో తన డివోర్స్‌ను లింక్ చేస్తూ వస్తోన్న వార్తలపై మరోసారి స్పందించిన రెహమాన్‌ టీమ్ మెంబర్ మోహినిదే.

AR Rahman Mohini Dey Divorce : ప్రముఖ సంగీత దర్శకుడు, ఆస్కార్ అవార్డ్ గ్రహీత రెహమాన్‌ - సైరా బాను దంపతులు విడాకులు తీసుకోబోతున్నట్లు ప్రకటించిన కాసేపటికే, రెహమాన్‌ టీమ్​లోని 29 ఏళ్ల మోహినిదే అనే సభ్యురాలు కూడా తన భర్త నుంచి విడిపోతున్నట్లు తెలపడం చర్చనీయాంశంగా మారిన సంగతి తెలిసిందే.

దీంతో ఈ రెండు జంటల విడాకులకు ఏమైనా సంబంధం ఉందా? అనే ప్రచారం తెరపైకి వచ్చింది. సోషల్ మీడియాలో చాలా మంది ఈ విషయమై నెగటివ్​గా మాట్లాడటం ప్రారంభించారు. అయితే రీసెంట్​గానే ఈ విషయంపై స్పందించి, రూమర్స్​ను ఖండించిన మోహినిదే మరోసారి ఈ అంశంపై రియాక్ట్ అయింది. ఏఆర్‌ రెహమాన్‌ తనకు తండ్రితో సమానమని చెప్పింది. "ఏఆర్‌ రెహమాన్‌ నాకు తండ్రితో సమానం. నాది, రెహమాన్‌ కుమార్తెలది ఒకే వయసు. ఆయన ఎప్పుడూ నన్ను తన కూతురు లానే చూశారు. 8 ఏళ్ల నుంచి ఆయన బృందంలో పని చేస్తున్నాను. ఆయనంటే నాకు ఎంతో గౌరవం. చాలా చిత్రాలకు ఆయనతో కలిసి సంగీతం అందించాను. ఎన్నో స్టేజ్‌ షోలు చేశాం. మాపై ఇలాంటి రూమర్స్​ రావడం బాధాకరమైన విషయం. ఇలా సున్నితమైన విషయాల్లో సానుభూతి లేకుండా నిందలు వేయడం కరెక్ట్ కాదు. అలాంటి వారి మానసిక పరిస్థితి చూస్తే బాధతో పాటు జాలి కూడా వేస్తోంది. అసలు ఇలా అసభ్యకరంగా మాట్లాడడాన్ని నేరంగా పరిగణించాలి.

"రెహమాన్‌ ఒక లెజెండ్‌. నా కెరీర్‌లో ఆయన ఎంతో కీలకంగా వ్యవహరించారు. నా లైఫ్​కు ఆయనే రోల్‌ మోడల్‌. నాకు సంగీతం నేర్పించిన నా తండ్రిని ఏడాది క్రితమే కోల్పోయాను. అప్పటి నుంచి రెహ్​మాన్ టీమ్​లోని ప్రతి ఒక్కరూ నన్ను సొంత వారిలా ఆదరించారు. మీడియాకు వ్యక్తుల మనసుతో పని ఉండదు. మీడియాలో వచ్చే కామెంట్స్‌ జీవితాలపై ఎంతటి ప్రభావాన్ని చూపుతాయో వాళ్లు అస్సలు అర్థం చేసుకోలేరు. దయచేసి ఇలాంటి వాటిని ఇక్కడితో ఫుల్‌స్టాప్‌ పెట్టండి. మా గోప్యతను గౌరవించండి" అని ఓ వీడియోను రిలీజ్ చేశారు.

అంతకుముందు మోహినిదే మాట్లాడుతూ - "నేను డివోర్స్​ గురించి అనౌన్స్​ చేసినప్పటి నుంచి ఇంటర్వ్యూల కోసం చాలా మంది ఫోన్‌ చేస్తున్నారు. కానీ వారంతా నా ఇంటర్వ్యూలను ఎందుకు అడుగుతున్నారో తెలుసు. నేను ప్రతిఒక్కరి రిక్వెస్ట్​ను గౌరవంగా తిరస్కరిస్తున్నాను. ఎందుకంటే వారు ఏం అనుకుంటున్నారో, దాని గురించి మాట్లాడడానికి అస్సలు ఆసక్తి లేదు. ఇలాంటి రూమర్స్‌పై మాట్లాడి నా విలువైన సమయాన్ని వృథా చేసుకోలేను. ప్లీజ్​ నా గోప్యతను గౌరవించండి" అని చెప్పుకొచ్చింది.

AR Rahman Saira Banu Divorce -ఆ మధ్య రెహమాన్ భార్య సైరా తరఫు న్యాయవాది వందనా షా కూడా ఈ లింక్​పై స్పందించారు. ఇందులో ఎటువంటి నిజం లేదని స్పష్టత ిచ్చారు. "ఈ రెండు జంటల డివోర్స్​కు ఎలాంటి సంబంధం లేదు. పరస్పర అంగీకారంతోనే సైరా- రెహమాన్‌ ఈ నిర్ణయాం తీసుకున్నారు. వైవాహిక బంధంలో సైరా వ్యక్తిగతంగా ఎన్నో ఎత్తుపల్లాలను చూశారు. వారిద్దరూ విడిపోవడానికి చాలా కారణాలు ఉన్నాయి" అని పేర్కొన్నారు. ఇక రెహమాన్ పిల్లలు కూడా ఈ విషయంపై స్పందించారు. అందులో నిజం లేదని స్పష్టత ఇచ్చారు.